നെറ്റ്ഫ്‌ളിക്‌സിലെത്തിയതിന് പിന്നാലെ മാര്‍ട്ടിന്‍ പ്രക്കാട്ട് സംവിധാനം ചെയ്ത നായാട്ടിനെ പ്രശംസിച്ച് കേരളത്തിന് പുറത്തുനിന്ന് നിരവധി പേരാണ് എത്തുന്നത്. നായാട്ട് അതിശക്തമായ ചിത്രമാണെന്ന് സംവിധായകന്‍ ഹന്‍സല്‍ മേത്ത. അലിഗഡ്, ഒമെര്‍ത്ത, സ്‌കാം 1992 (വെബ് സീരീസ്) എന്നിവ ഒരുക്കിയ സംവിധായകനാണ് ഹന്‍സല്‍ മേത്ത.
കരുത്തുറ്റ ചിത്രമാണ് നായാട്ട്. ഉദ്വേഗം സൃഷ്ടിക്കുന്നതും സൂക്ഷ്മത പുലര്‍ത്തിയതുമായ സിനിമ. അതിഗംഭീര കഥാപാത്രങ്ങള്‍. മികച്ച സംവിധാനവും പെര്‍ഫോര്‍മന്‍സും. കാണുക എന്നാണ് ഹന്‍സല്‍ മേത്ത ട്വീറ്റ് ചെയ്തത്.
കുഞ്ചാക്കോ ബോബന്‍, ജോജു ജോര്‍ജ്, നിമിഷ സജയന്‍ എന്നിവരാണ് നായാട്ടിലെ താരങ്ങള്‍. മാര്‍ട്ടിന്‍ പ്രക്കാട്ട് സഹനിര്‍മ്മാതാവ് കൂടിയാണ്.
നായാട്ട്ജോസഫിന് ശേഷം ഷാഹി കബീര്‍ എഴുതിയ തിരക്കഥ. അപ്രതീക്ഷിതമായ പിടികിട്ടാപ്പുള്ളികളായി മാറുന്ന മൂന്ന് പൊലീസുദ്യോഗസ്ഥരുടെ കഥയാണ് നായാട്ട്. മണിയന്‍ എന്ന പൊലീസുകാരനായി ജോജു ജോര്‍ജ്ജും സുനിതയെന്ന വനിതാ പൊലീസുദ്യോഗസ്ഥയായി നിമിഷ സജയനും പ്രവീണ്‍ മൈക്കിളിന്റെ റോളില്‍ ചാക്കോച്ചനും. ഷൈജു ഖാലിദാണ് ക്യാമറ. വിഷ്ണു വിജയ് സംഗീത സംവിധാനം.
