മാത്യു തോമസും നസ്ലെനും പ്രധാന കഥാപാത്രങ്ങളിലെത്തുന്ന നെയ്മറിലേ 'ഇളമൈ കാതല്‍' എന്ന ഗാനം റിലീസ് ചെയ്തു. ആന്റണി ദാസന്‍ ആലപിച്ചിരിക്കുന്ന ഗാനത്തിന്റെ വരികള്‍ രചിച്ചിരിക്കുന്നത് വിനായക് ശശി കുമാറാണ്. ഷാന്‍ റഹ്‌മാനാണ് ഗാനത്തിന്റെ സംഗീതം നിര്‍വഹിച്ചിരിക്കുന്നത്.
മാത്യുവിന്റെയും നസ്ലെന്റെയും കഥാപാത്രങ്ങളും അവരുടെ നാടന്‍ നായയായ നെയ്മറുമാണ് ചിത്രത്തിലെ പ്രധാന പ്രമേയം. ചിത്രം ഒരു കംപ്ലീറ്റ് ഡോഗ് മൂവിയാണെന്ന് അണിയറപ്രവര്‍ത്തകര്‍ നേരത്തെ വ്യക്തമാക്കിയിരുന്നു.ആദര്‍ശ് സുകുമാരനും പോള്‍സണ്‍ സ്‌കറിയയും ചേര്‍ന്നാണ് തിരക്കഥ രചിച്ചിരിക്കുന്നത്
രണ്ടര മാസം പ്രായമുള്ള നാടന്‍ നായയെ എടുത്ത് പരിശീലിപ്പിച്ചാണ് സിനിമ ചിത്രീകരിച്ചത്. ചിത്രത്തില്‍ ഒമ്പതോളം പാട്ടുകളാണ് ഉള്ളത്. ഷാന്‍ റഹ്‌മാനും ഗോപി സുന്ദറുമാണ് ചിത്രത്തിന്റെ സംഗീതം. ദേശിയ അവാര്‍ഡ് ജേതാവായ വിഷ്ണു ഗോവിന്ദാണ് ചിത്രത്തിന്റെ ശബ്ദ മിശ്രണം നിര്‍വ്വഹിച്ചിരിക്കുന്നത്. ആല്‍ബിന്‍ ആന്റണി ഛായഗ്രഹണം നിര്‍വ്വഹിക്കുന്നു.
സുധി മാഡിസണ്‍ സംവിധാനം ചെയ്ത് ചിത്രം 'നെയ്മര്‍' ഈ മാസം 12 ന് തിയേറ്ററുകളിലെത്തും. 'ഓപ്പറേഷന്‍ ജാവ'എന്ന സിനിമയ്ക്ക് ശേഷം പദ്മ ഉദയ് നിര്‍മ്മിക്കുന്ന ചിത്രത്തിന്റെ കഥയും സുധി മാഡിസണ്‍ തന്നെയാണ്. മാത്യു തോമസിനും നെസ്ലനും പുറമേ വിജയരാഘവന്‍ ജോണി ആന്റണി തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു.
തണ്ണീര്‍മത്തന്‍ ദിനങ്ങള്‍ക്കും, ജോ ആന്‍ഡ് ജോയ്ക്കും ശേഷം മാത്യു തോമസും നെസ്ലെനും ഒന്നിക്കുന്ന ചിത്രം കൂടെയാണ് നെയ്മര്‍. നസ്ലെനും മാത്യുവും ഒരുമിച്ച് സ്‌ക്രീനില്‍ കൊണ്ടുവരുന്ന എന്റര്‍ടൈന്മെന്റ് ഈ സിനിമയിലും പ്രതീക്ഷിക്കാമെന്നും സുധി ക്യു സ്റ്റുഡിയോക്ക് നല്‍കിയ അഭിമുഖത്തില്‍ പറഞ്ഞിരുന്നു.
നൗഫല്‍ അബ്ദുള്ളയാണ് നെയ്മറിന്റെ ചിത്രസംയോജനം. നിമേഷ് താനൂര്‍ കലാസംവിധാനം നിര്‍വ്വഹിക്കുന്ന ചിത്രത്തില്‍ ഫീനിക്‌സ് പ്രഭുവാണ് ആക്ഷന്‍ കൊറിയോഗ്രാഫി.മഞ്ജുഷ രാധാകൃഷ്ണന്‍ കോസ്റ്റ്യൂമും ഞ്ജിത്ത് മണലിപറമ്പില്‍ മേക്കപ്പും നിര്‍വ്വഹിക്കുന്നു. പ്രൊഡക്ഷന്‍ കണ്‍ട്രോളര്‍ ജിനു പി കെ, എക്സിക്യുട്ടിവ് പ്രൊഡ്യൂസര്‍ ഉദയ് രാമചന്ദ്രന്‍, വിഫ്എക്‌സ് ഡിജിറ്റല്‍ ടര്‍ബോ മീഡിയ, സ്റ്റില്‍സ് ജസ്റ്റിന്‍ ജെയിംസ് എന്നിവരുമാണ് 'നെയ്മര്‍' എന്ന ചിത്രത്തിന്റെ മറ്റ് പ്രവര്‍ത്തകര്‍.
