തണ്ണീർ മത്തൻ ദിനങ്ങളിലെ 'നിനക്കൊക്കെ പ്രാന്താണോ പെണ്ണുങ്ങളുടെ പിന്നാലെ പോകാൻ' എന്ന ഡയലോഗ് സ്ക്രിപ്റ്റിലുണ്ടായിരുന്നതല്ല എന്ന് ന‍ടൻ നസ്ലെൻ. ആ സീനിൽ എന്തെങ്കിലുമൊന്ന് പറയണം എന്ന് തോന്നിയിട്ട് താനായി പറഞ്ഞ ഡയലോഗായിരുന്നു അതെന്ന് നസ്ലെൻ പറയുന്നു. ഒരു ഓൺ ടെെം കൗണ്ടറായിരുന്നു അത്. ഞാൻ ആ ടേക്കിൽ പറഞ്ഞത് ഒക്കെയാവുകയാണ് അന്ന് ചെയ്തത്. അതിന് വേണ്ടി പ്രോപ്പറായി ഒരു ഗെെഡെൻസ് ഉണ്ടായിരുന്നു ഗിരീഷേട്ടന്റെ അടുത്ത് നിന്ന് എന്നും ആ സീനൊക്കെ ഷൂട്ട് ചെയ്യുന്ന സമയത്ത് കുറച്ചു കൂടി സെറ്റിലുള്ളവരുമായി താൻ അടുത്തിരുന്നു എന്നും നസ്ലെൻ ക്യു സ്റ്റുഡിയോയ്ക്ക് നൽകിയ അഭിമുഖത്തിൽ പറഞ്ഞു.
നസ്ലെൻ പറഞ്ഞത്:
തണ്ണീർ മത്തൻ ദിനങ്ങൾ ചെയ്യുമ്പോഴാണെങ്കിലും ഇറങ്ങുന്നതിന് മുമ്പും എനിക്ക് ഇത്രയും അഭിനന്ദനങ്ങൾ കിട്ടും എന്നോ ആൾക്കാരുടെ ഇടയിൽ ഇത്രയും റീച്ച് ഉണ്ടാക്കുമെന്നോ ഞാൻ പ്രതീക്ഷിച്ചിരുന്നില്ല. തണ്ണീർ മത്തൻ കഴിഞ്ഞപ്പോഴും ആക്ടിംഗ് എന്നെക്കൊണ്ട് പറ്റണ പരിപാടിയാണോ എന്നൊന്നും എനിക്ക് അറിയുന്നുണ്ടായിരുന്നില്ല. തണ്ണീർ മത്തനിൽ ഗിരീഷേട്ടൻ എന്താണോ പറയുന്നത് അതാണ് ഞാൻ ചെയ്തത്. പിന്നെ ഈ കൗണ്ടറുകൾ ഒക്കെ പ്രത്യേകിച്ച് 'നിനക്കൊക്കെ പ്രാന്താണോ പെണ്ണുങ്ങളുടെ പിന്നാലെ പോകാൻ' എന്ന ഡയലോഗ് ഒന്നും സ്ക്രിപ്പ്റ്റിൽ ഉണ്ടായിരുന്നില്ല. സത്യം പറ‍ഞ്ഞാൽ അവിടെ എന്തെങ്കിലും ഒന്ന് പറയണം എന്ന് തോന്നിയിട്ട് ഞാൻ വെറുതെ പറഞ്ഞതാണ് അത്. ഒരു ഓൺ ടെെം കൗണ്ടറായിരുന്നു അത്. അത് പ്രോപ്പറായി ഒരു ഗെെഡെൻസ് ഉണ്ടായിരുന്നു ഗിരീഷേട്ടന്റെ അടുത്ത് നിന്നും. പിന്നെ ഡിനോയ് ചേട്ടൻ ഒക്കെ ഒരുപാട് ടെെം സ്പെന്റ് ചെയ്തിട്ടുണ്ട് തണ്ണീർ മത്തന്റെ സമയത്തൊക്കെ. കൂടാതെ ഗിരീഷേട്ടന് അറിയാം എവിടെയാണ് വീക്ക് പോയിന്റുകൾ എന്ന്. ഞാൻ ആ ടേക്കിൽ പറഞ്ഞത് ഒക്കെയാവുകയാണ് അന്ന് ചെയ്തത്. ഈ സീനൊക്കെ ഷൂട്ട് ചെയ്യുന്ന സമയത്ത് കുറച്ചു കൂടി എല്ലാവരുമായിട്ട് ഞാൻ നല്ലൊരു രീതിയിൽ എത്തിയിരുന്നു.
ഗിരിഷ് എഡി സംവിധാനം ചെയ്ത് വിനീത് ശ്രീനിവാസന്‍, മാത്യു തോമസ്, അനശ്വരാ രാജന്‍ എന്നിവർ പ്രധാന കഥാപാത്രങ്ങളെ അവതരിപ്പിച്ച ചിത്രമായിരുന്നു തണ്ണീർ മത്തൻ ദിനങ്ങൾ. ഗീരീഷ് എഡിയുടെ ആദ്യ ചിത്രമായ തണ്ണീർ മത്തൻ ദിനങ്ങൾ മികച്ച പ്രേക്ഷക പ്രതികരണമായിരുന്നുന നേടിയത്. ചിത്രത്തിൽ മെല്‍വിന്‍ എന്ന കഥാപാത്രമായാണ് നസ്ലെൻ എത്തിയത്. പ്ലസ് 2 കാലഘട്ടത്തിലെ സൗഹൃദവും പ്രണയവുമെല്ലാം രസകരമായി അവതരിപ്പിച്ച ചിത്രമായിരുന്നു തണ്ണീർ മത്തൻ.
