നടന്‍ വിജയ്ക്ക് ഓസ്‌കാര്‍ ലഭിക്കാനുള്ള പ്രതിഭയുണ്ടെന്ന് നിര്‍മ്മാതാവും എഴുത്തുകാരനുമായ അഭിരാമി രാമനാഥന്‍. സിനിമ മോശമായാല്‍ കൂടി ആളുകള്‍ വിജയ്‌യെ ഇഷ്ടപ്പെടുന്നുവെന്നും അഭിരാമി രാമനാഥന്‍ വ്യക്തമാക്കി.
വിജയ് കഠിനാധ്വാനത്തില്‍ വിശ്വസിക്കുന്ന ആളാണ്. സിനിമ മോശമായാല്‍ കൂടി ആളുകള്‍ അദ്ദേഹത്തെ ഇഷ്ടപ്പെടുന്നു. വിജയ്ക്ക് ഓസ്‌കര്‍ ലഭിക്കാനുള്ള പ്രതിഭയുണ്ട്. വിജയ്‌യുടെ ഓസ്‌കര്‍ നേട്ടം തമിഴ് സിനിമയ്ക്ക് അഭിമാനമായിരിക്കും, എന്നാണ് അഭിരാമി രാമനാഥന്‍ പറഞ്ഞത്.
വിജയ് നായകനായി അവസാനം റിലീസ് ചെയ്ത ചിത്രമാണ് ബീസ്റ്റ്. നെല്‍സണ്‍ ദിലീപ് കുമാര്‍ സംവിധാനം ചെയ്ത ചിത്രത്തിന് സംമിശ്ര പ്രതികരണങ്ങളാണ് പ്രേക്ഷകരില്‍ നിന്നും ലഭിച്ചത്. ആരാധകര്‍ ഏറെ പ്രതീക്ഷയോടെ കാത്തിരുന്ന ചിത്രമായിരുന്നു ബീസ്റ്റ്.
സണ്‍ പിക്‌ച്ചേഴ്‌സാണ് ബീസ്റ്റ് നിര്‍മ്മിച്ചത്. ഏപ്രില്‍ 13നായിരുന്നു ചിത്രം തിയേറ്ററില്‍ റിലീസ് ചെയ്തത്. അനിരുദ്ധ് രവിചന്ദരാണ് സംഗീതം സംവിധാനം. പൂജ ഹെഗ്ഡ നായിക.
