ഡോ.ബിജുവിന്റെ രാജ്യാന്തര ശ്രദ്ധ നേടിയ ചിത്രം ആമസോണ്‍ പ്രൈമില്‍
സിംഗപ്പൂര്‍ സൗത്ത് ഏഷ്യന്‍ അന്താരാഷ്ട്ര ചലച്ചിത്ര മേളയില്‍ ഇന്ദ്രന്‍സിന് മികച്ച നടനുള്ള പുരസ്‌കാരം നേടിക്കൊടുത്ത വെയില്‍മരങ്ങള്‍ പ്രേക്ഷകരിലേക്ക്. വെയില്‍മരങ്ങള്‍ 2022 ജനുവരി 7 മുതല്‍ ആമസോണ്‍ പ്രൈമില്‍ പ്രദര്‍ശിപ്പിക്കും. 7 അന്താരാഷ്ട്ര ചലച്ചിത്ര മേളകളില്‍ സിനിമ തിരഞ്ഞെടുക്കപ്പെട്ടിരുന്നു.
ഡോ.ബിജു വെയില്‍മരങ്ങളെക്കുറിച്ച്
വെയില്‍മരങ്ങള്‍ 2022 ജനുവരി 7 മുതല്‍ ആമസോണ്‍ പ്രൈമില്‍ കാണാം . ഒട്ടേറെ ആളുകള്‍ സിനിമയുടെ ഓ ടി ടി റിലീസിനെപ്പറ്റി അന്വേഷിച്ചിരുന്നു . കാണാന്‍ താല്പര്യമുള്ള എല്ലാ സുഹൃത്തുക്കളും കാണുമല്ലോ . ഷാങ്ഹായി ചലച്ചിത്ര മേളയില്‍ പ്രധാന മത്സര വിഭാഗമായ ഗോള്‍ഡന്‍ ഗോബ്ലറ്റ് മത്സര വിഭാഗത്തില്‍ ആദ്യമായി ഒരു ഇന്ത്യന്‍ സിനിമയ്ക്ക് പുരസ്‌കാരം ലഭിക്കുന്നത് വെയില്‍മരങ്ങള്‍ക്ക് ആണ് . ഔട്ട് സ്റ്റാന്‍ഡിങ് ആര്‍ട്ടിസ്റ്റിക് അച്ചീവ്‌മെന്റിനുള്ള ഗോള്‍ഡന്‍ ഗോബ്ലറ്റ് പുരസ്‌കാരം .തുടര്‍ന്ന് സിംഗപ്പൂര്‍ സൗത്ത് ഏഷ്യന്‍ അന്താരാഷ്ട്ര ചലച്ചിത്ര മേളയില്‍ ഇന്ദ്രന്‍സിന് മികച്ച നടനുള്ള പുരസ്‌കാരം . തുടര്‍ന്ന് ഫ്രാന്‍സിലെ ട്യുലോസ് ഇന്ത്യന്‍ ചലച്ചിത്ര മേളയില്‍ മികച്ച ചിത്രത്തിനുള്ള ജൂറി പുരസ്‌കാരം , ചൈനയിലെ ചോങ്ഗിംഗ് പയനിയര്‍ ആര്‍ട്ട് ചലച്ചിത്ര മേളയില്‍ മികച്ച അന്താരാഷ്ട്ര സിനിമയ്ക്കുള്ള ജൂറി പുരസ്‌കാരം , കേരള ചലച്ചിത്ര മേളയില്‍ മികച്ച മലയാള സിനിമയ്ക്കുള്ള നെറ്റ്പാക് പുരസ്‌കാരം എന്നിവയും ചിത്രത്തിന് ലഭിച്ചു . 37 അന്താരാഷ്ട്ര ചലച്ചിത്ര മേളകളില്‍ സിനിമ തിരഞ്ഞെടുക്കപ്പെട്ടു.
നീണ്ട ഒന്നര വര്‍ഷം കാത്തിരുന്ന് ഹിമാചല്‍ പ്രദേശിലെ മഞ്ഞു കാലവും വസന്തകാലവും വേനല്‍ക്കാലവും, കേരളത്തിലെ മണ്‍റോ തുരുത്തിലെ മഴക്കാലവും ചിത്രീകരിച്ച സിനിമ . സോമ ക്രിയേഷന്‍സിന്റെ ബാനറില്‍ ബേബി മാത്യു സോമതീരം നിര്‍മിച്ച സിനിമ , എം ജെ രാധാകൃഷ്ണന്‍ എന്ന ഇന്ത്യ കണ്ട എക്കാലത്തെയും പ്രതിഭാ ശാലിയായ ഛായാഗ്രാഹകന്റെ സിനിമ . ഇന്ദ്രന്‍സ് , സരിത കുക്കു , മാസ്റ്റര്‍ ഗോവര്‍ദ്ധന്‍ ,അശോക് കുമാര്‍ , കൃഷ്ണന്‍ ബാലകൃഷ്ണന്‍ തുടങ്ങി, പ്രകാശ് ബാരെ , മെല്‍വിന്‍ വില്യംസ് , തുടങ്ങി നിരവധി അഭിനേതാക്കളുടെ സിനിമ , എഡിറ്റിങ് ഡേവിസ് മാനുവല്‍ .ശബ്ദ മിശ്രണം പ്രമോദ് തോമസ് , സിങ്ക് സൗണ്ട് സൗണ്ട് ഡിസൈന്‍ സ്മിജിത് കുമാര്‍ , ജയദേവന്‍ ചക്കാടത്തു . ബിജിബാലിന്റെ സംഗീതം , ജ്യോതിഷ് ശങ്കറിന്റെ കലാസംവിധാനം , കോസ്റ്റ്യൂം ഡിസൈന്‍ അരവിന്ദ് കെ .ആര്‍ , മേക്ക് അപ് പട്ടണം ഷാ. വെയില്‍മരങ്ങള്‍ കാണാന്‍ എല്ലാവരെയും ക്ഷണിക്കുന്നു. ജനുവരി 7 മുതല്‍ ആമസോണ്‍ പ്രൈമില്‍.
