മാര്‍വല്‍ സിനിമാറ്റിക് യുണിവേഴ്‌സിലെ മൂന്ന് വുമണ്‍ സൂപ്പര്‍ഹീറോസ് ഒന്നിക്കുന്ന ക്രോസ് ഓവര്‍ ഫിലിമായ ദി മാര്‍വല്‍സ് ആദ്യ ട്രെയ്‌ലര്‍ റിലീസ് ചെയ്തു. 2019ല്‍ പുറത്തിറങ്ങിയ ക്യാപ്റ്റന്‍ മാര്‍വെലിനും കഴിഞ്ഞ വര്‍ഷം സ്ട്രീം ചെയ്ത വെബ് സീരീസായ മിസ് മാര്‍വെലിനും,സീക്വലായിട്ടാണ് ചിത്രം റിലീസ് ചെയ്യുക.
മിസ് മാര്‍വെലായ കമല ഖാൻ്റെ സൂപ്പര്‍ പവറുമായി ക്യാപ്റ്റന്‍ മാര്‍വെലിൻ്റെയും വാണ്ടവിഷനില്‍ നിന്നുള്ള മോണിക്ക റോംബോയുടെയും പവറുകള്‍ എക്‌സ്‌ചേഞ്ച് ആവുന്നതും തുടര്‍ന്നുള്ള സങ്കീര്‍ണതകളുമാണ് ട്രെയ്‌ലറില്‍ പറയുന്നത്.
ക്യാപ്റ്റന്‍ മാര്‍വെലിന് ശേഷം ബ്രീ ലാര്‍സണ്‍ പ്രധാന വേഷത്തില്‍ എത്തുന്ന മാര്‍വല്‍ ചിത്രം കൂടിയാണിത്. മികച്ച ചിത്രത്തിനുള്ള ഓസ്‌കാര്‍ ലഭിച്ച പാരസൈറ്റിലൂടെ ശ്രദ്ധേയനായ പാര്‍ക്ക് സീയോ ജൂണും ചിത്രത്തില്‍ പ്രധാനവേഷത്തില്‍ എത്തുന്നുണ്ട്.
മാര്‍വെല്‍ ഫേസ് 5ലെ മൂന്നാമത്തെ ചിത്രമാണ് ദി മാര്‍വെല്‍സ്. ഇമാന്‍ വെള്ളാണി, തെയോണ പാരിസ്, സാമുവല്‍ ജാക്‌സണ്‍ തുടങ്ങിവരും ചിത്രത്തില്‍ പ്രധാന വേഷത്തില്‍ എത്തുന്നു. നവംബര്‍ 10നാണ് ചിത്രം തീയേറ്ററുകളില്‍ റിലീസ് ചെയുന്നത്
