Film News
കൊവിഡ് ഭീതിയൊഴിഞ്ഞാല്‍ ഷെയ്‌നിന്റെ ‘വെയില്‍’, ലോക്ക് ഔട്ടിന് മുമ്പ് ചിത്രം പൂര്‍ത്തിയായി
ഷെയ്ന്‍ നിഗം നായകനായ ചിത്രം വെയില്‍ കൊവിഡ് ഭീതിയൊഴിഞ്ഞാല്‍ തിയറ്ററുകളിലേക്ക്. ചിത്രീകരണം മുടങ്ങിയതും ഷെയ്ന്‍ നിഗവും നിര്‍മ്മാതാവുമായുള്ള പ്രശ്‌നങ്ങളും ഉള്‍പ്പെടെ നിരവധി വിവാദങ്ങളില്‍ അകപ്പെട്ട ചിത്രമാണ് വെയില്‍. മാര്‍ച്ചില്‍ രാജ്യം സമ്പൂര്‍ണ ലോക്ക് ഔട്ടിലേക്ക് നീങ്ങുന്നതിന് തൊട്ടുമുമ്പാണ് സിനിമയുടെ ചിത്രീകരണം പൂര്‍ത്തിയായത്. ശരത് രചനയും സംവിധാനവും നിര്‍വഹിക്കുന്ന സിനിമയുടെ നിര്‍മ്മാണം ജോബി ജോര്‍ജ്ജ് ആണ്.
പല കാലങ്ങളിലായി വിവിധ ഗെറ്റപ്പുകളിലാണ് ഷെയിന്‍ നിഗം അവതരിപ്പിക്കുന്ന കഥാപാത്രം. വലിയ പെരുന്നാള്‍ എന്ന സിനിമക്ക് ശേഷം തിയറ്ററുകളിലെത്തുന്ന ഷെയിന്‍ നിഗം ചിത്രം കൂടിയാണ് വെയില്‍. ഷാസ് മുഹമ്മദാണ് ക്യാമറ.
ചലച്ചിത്ര നിര്‍മ്മാതാക്കളുടെ സംഘടനയും താരസംഘടന അമ്മയും തമ്മില്‍ നടത്തിയ സമവായ ചര്‍ച്ചകള്‍ക്കൊടുവിലാണ് വെയില്‍ ചിത്രീകരണം പൂര്‍ത്തിയായത്.
