അന്തരിച്ച ഗായകന്‍ കെ.കെ അവസാനമായി പാടിയ ഗാനം റിലീസ് ചെയ്തു. പുതുമുഖ സംവിധായകന്‍ ചാള്‍സ് ജോസഫ് രചനയും സംവിധാനവും നിര്‍വഹിച്ച് റഹ്മാന്‍ നായകനായെത്തുന്ന സമാറ എന്ന ചിത്രത്തിലെ ഗാനമാണ് റിലീസ് ചെയ്തത്. നവാഗതനായ ദീപക് വാര്യര്‍ സംഗീത സംവിധാനം നിര്‍വഹിച്ച ചിത്രത്തിലെ ഗാനത്തിന്റെ ഗാനത്തിന്റെ വരികള്‍ എഴുതിയിരിക്കുന്നത് യൂസഫ് ബെയ്ഗ്, ശരത് ആര്‍ നാഥ് എന്നിവര്‍ ചേര്‍ന്നാണ്. ഭൂരിപക്ഷത്തോളം സീനുകളും കാശ്മീരില്‍ ചിത്രീകരിച്ച ഗാനമാണ് സമാറയിലെ 'ദില്‍ബറോ'.
ഒരിക്കല്‍ കൂടി മലയാളത്തില്‍ പാടണമെന്നും മലയാളിയായ താന്‍ അതിനായാണ് കാത്തിരിക്കുന്നത് എന്നും അടുത്ത തവണ മലയാളത്തിലുള്ള പാട്ടുകള്‍ തനിക്കായി ഒരുക്കണമെന്നും കെ കെ ആവശ്യപ്പെട്ടത് സംഗീത സംവിധായാകനായ ദീപക് വാര്യര്‍ ഓര്‍മ്മിക്കുന്നു. ഇതേ പാട്ട് തന്നെ മലയാളത്തിലും തമിഴിലും കെ കെ യോടൊപ്പം പാടിയിരിക്കുന്നത് ഗായിക ലക്ഷ്മി മോഹന്‍ ആണ്. പീകോക്ക് ആര്‍ട്ട് ഹൗസിന്റെ ബാനറില്‍ എം കെ സുഭാകരന്‍, അനുജ് വര്‍ഗ്ഗീസ് വില്ല്യാടത്ത് എന്നിവര്‍ ചേര്‍ന്ന് നിര്‍മ്മിച്ച ചിത്രം സയന്‍സ് ഫിക്ഷന്‍ വിഭാഗത്തില്‍ പെടുന്ന ക്രൈം ത്രില്ലറാണ്. ഹിന്ദിയില്‍ ബജ്രംഗി ഭായ്ജാന്‍, ജോളി എല്‍എല്‍ബി 2, തമിഴില്‍ വിശ്വരൂപം 2 എന്നീ ചിത്രങ്ങളിലൂടെ പ്രശസ്തനായ ബോളിവുഡ് താരം മീര്‍സര്‍വാര്‍, തമിഴ് നടന്‍ ഭരത്, മൂത്തോന്‍ എന്ന ചിത്രത്തിലൂടെ ശ്രദ്ധേയയായ സഞ്ജന ദിപു, രാഹുല്‍ മാധവ്, ബിനോജ് വില്ല്യ, ഗോവിന്ദ് കൃഷ്ണ, ടിനിജ്, ടോം സ്‌കോട്ട് തുടങ്ങിയവര്‍ക്കൊപ്പം 18 -ഓളം പുതിയ താരങ്ങളും 35 ഓളം വിദേശ താരങ്ങളും ചിത്രത്തില്‍ അണിനിരക്കുന്നു.
കുളു- മണാലി, ധര്‍മ്മശാല, ജമ്മു കാശ്മീര്‍ എന്നിവടങ്ങളിലായാണ് ചിത്രത്തിന്റെ ഭൂരിഭാഗവും ചിത്രീകരിച്ചിരിക്കുന്നത്. ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത് സിനു സിദ്ധാര്‍ത്ഥാണ്. പശ്ചാത്തലസംഗീതം ഗോപി സുന്ദര്‍, എഡിറ്റര്‍ :ആര്‍ ജെ പപ്പന്‍, സൗണ്ട് ഡിസൈന്‍ : അരവിന്ദ് ബാബു , കോസ്റ്റ്യൂം. :മരിയ സിനു. കലാസംവിധാനം രഞ്ജിത്ത് കോത്തേരി,ചീഫ് അസോസിയേറ്റ് ഡയറക്ടര്‍ വിഷ്ണു ഐക്കരശ്ശേരി, സംഘട്ടനം ദിനേശ് കാശി,പ്രൊഡക്ഷന്‍ കണ്‍ട്രോളര്‍ പ്രേമന്‍ പെരുമ്പാവൂര്‍, പി ആര്‍ ഓ മഞ്ജു ഗോപിനാഥ്. ഡിസൈനര്‍ മാമിജോ, സ്റ്റില്‍സ് സിബി ചീരന്‍. മാര്‍ക്കറ്റിംഗ് ബിനു ബ്രിങ് ഫോര്‍ത്ത്. ഡിജിറ്റല്‍ പി ആര്‍ ഒബ്‌സ്‌ക്യൂറ. ചിത്രം ഓഗസ്റ്റ് നാലിന് മാജിക് ഫ്രെയിംസ് തീയറ്ററുകളില്‍ എത്തിക്കും.
