!['ആക്ഷൻ ട്രീറ്റ് ഉറപ്പ് നൽകി സലാർ'; ചിത്രം വെള്ളിയാഴ്ച മുതൽ തിയറ്ററുകളിൽ](http://cf-images.assettype.com/thecue%2F2023-12%2F6b0def0d-e746-4054-b50b-164960368b74%2FBeFunky_collage__1_.jpg?w=480&auto=format%2Ccompress&fit=max)
പ്രഭാസ്, പൃഥ്വിരാജ് സുകുമാരൻ എന്നിവരെ പ്രധാന കഥാപാത്രങ്ങളാക്കി പ്രശാന്ത് നീൽ സംവിധാനം ചെയ്യുന്ന ചിത്രമാണ് സലാർ പാർട്ട് 1 സീസ്ഫയർ വെള്ളിയാഴ്ച തിയറ്ററുകളിലെത്തും. ഒരു മുഴുനീള ആക്ഷൻ ചിത്രമായിരിക്കും സലാർ എന്ന സൂചനയാണ് പുറത്തുവന്ന രണ്ട് ട്രെയ്ലറുകളും നൽകുന്നത്. കെജിഎഫ് 2, കാന്താര എന്നീ ചിത്രങ്ങൾക്ക് ശേഷം ഹോംബാലെ ഫിലിംസിന്റെ ബാനറിൽ വിജയ് കിരണ്ടൂർ നിർമ്മിക്കുന്ന ചിത്രം തെലുങ്ക്, തമിഴ്, കന്നഡ, ഹിന്ദി, മലയാളം തുടങ്ങിയ ഭാഷകളിൽ പ്രദർശനത്തിനെത്തും.
ശ്രുതി ഹാസന്, ഈശ്വരി റാവു, ഗരുഡ റാം, ടിനു ആനന്ദ്, ജഗപതി ബാബു, ശ്രേയ റെഡ്ഡി എന്നിവരാണ് സിനിമയിലെ മറ്റു പ്രധാന അഭിനേതാക്കള്. പ്രശാന്ത് നീലിന്റേത് തന്നെയാണ് സിനിമയുടെ കഥയും,തിരക്കഥയും ഒരുക്കുന്നത്. സൗഹൃദമാണ് സലാറിന്റെ കോർ ഇമോഷനെന്നും ഏറ്റവും വലിയ ശത്രുക്കളായി മാറുന്ന രണ്ട് സുഹൃത്തുക്കളുടെ കഥയാണ് സലാറെന്നും സംവിധായകൻ പ്രശാന്ത് നീൽ വെളിപ്പെടുത്തിയിരുന്നു. കെജിഎഫ് ഫ്രാഞ്ചൈസിയിൽ താൻ സൃഷ്ടിച്ചതിൽ നിന്ന് വളരെ വ്യത്യസ്തമാണ് സലാറിന്റെ ലോകം. രണ്ടും വ്യത്യസ്തമായ കഥകളാണ്, വ്യത്യസ്ത വികാരങ്ങളാണ്. സലാറിൽ നിന്ന് പ്രേക്ഷകർ മറ്റൊരു കെജിഎഫ് പ്രതീക്ഷിക്കരുതെന്നും പ്രശാന്ത് നീൽ പറഞ്ഞു. താന് ഇതുവരെ ചെയ്തതില് ഏറ്റവും അധികം വയലന്സുള്ള കഥാപാത്രമാണ് സലാറിലേതെന്ന് പ്രഭാസ് നേരത്തെ തന്നെ വ്യക്തമാക്കിയിരുന്നു.
മാജിക് ഫ്രെയിംസും പൃഥ്വിരാജ് പ്രൊഡക്ഷനും ചേര്ന്നാണ് 'സലാര്' കേരളത്തിലെ തിയേറ്ററുകളില് എത്തിക്കുന്നത്. ഛായാഗ്രഹണം ഭുവന് ഗൗഡ, എഡിറ്റിംഗ് ഉജ്വല് കുല്ക്കര്ണി, സംഗീതം രവി ബസ്രൂര്,ഡിജിറ്റല് പിആര്ഒ ഒബ്സ്ക്യൂറ എന്റര്ടൈന്മെന്റ് പി ആര് ഒ. മഞ്ജു ഗോപിനാഥ്., മാര്ക്കറ്റിംഗ് ബിനു ബ്രിങ്ഫോര്ത്ത് എന്നിവരാണ് മറ്റു അണിയറ പ്രവര്ത്തകര്.