ഗപ്പി, അമ്പിളി എന്നീ സിനിമകളൊരുക്കിയ ജോണ്‍പോള്‍ ജോര്‍ജ്ജ് നിര്‍മ്മാതാവാകുന്ന പുതിയ ചിത്രമാണ് 'രോമാഞ്ചം' . ജോണ്‍പോളിന്റെ സഹസംവിധായകനായിരുന്ന ജിത്തു മാധവനാണ് സംവിധാനം. സൗബിന്‍ ഷാഹിറും അര്‍ജുന്‍ അശോകനും പ്രധാന റോളുകളിലെത്തുന്നു.
ഹൊറര്‍ കോമഡി സ്വഭാവമുള്ള സിനിമയുടെ ക്യാമറ സമീര്‍ താഹിറിന്റെ സഹഛായാഗ്രാഹകനും സഹോദരനുമായ സനു താഹിറാണ്. ജോണ്‍ പോളിനൊപ്പം ഗിരീഷ് ഗംഗാധരനും സൗബിന്‍ ഷാഹിറും നിര്‍മ്മാണപങ്കാളികളാകുന്നു. ജോണ്‍പോള്‍ ജോര്‍ജ് പ്രൊഡക്ഷന്‍സും ഗപ്പി സിനിമാസുമാണ് ബാനറുകള്‍.
സുഷിന്‍ ശ്യാമാണ് സംഗീതം. തിയറ്റര്‍ റിലീസായാണ് രോമാഞ്ചം എത്തുന്നത്. കിരണ്‍ ദാസ് എഡിറ്റിംഗും എം. ആര്‍ രാജാകൃഷ്ണന്‍ സൗണ്ട് ഡിസൈനും മാഷര്‍ ഹംസ കോസ്റ്റിയൂം ഡിസൈനും. ബംഗ്ലാന്‍ പ്രൊഡക്ഷന്‍ ഡിസൈനും നിര്‍വഹിക്കുന്നു.
