![റാമോജി ഫിലിം സിറ്റി സ്ഥാപകനും നിർമാതാവുമായ റാമോജി റാവു അന്തരിച്ചു](http://cf-images.assettype.com/thecue%2F2024-06%2Fca70c913-847c-400f-8b83-05b3397e30f6%2FBeFunky_collage__86_.jpg?rect=0%2C3%2C1300%2C731&w=480&auto=format%2Ccompress&fit=max)
പ്രശസ്ത നിര്മാതാവും വ്യവസായിയുമായ റാമോജി റാവു അന്തരിച്ചു. ശ്വാസ തടസ്സത്തെ തുടര്ന്ന് ചികിത്സയിലിരിക്കേയാണ് അന്ത്യം. ലോകത്തിലെ തന്നെ ഏറ്റവും വലിയ ചലച്ചിത്ര സ്റ്റുഡിയോ സമുച്ചയമായ റാമോജി ഫിലിം സിറ്റിയുടെ സ്ഥാപകൻ കൂടിയാണ്. ഈടിവി, ഈനാട് അടക്കമുള്ള വൻകിട മാധ്യമസ്ഥാപനങ്ങളുടെ ഉടമയാണ്.1986 ല് ടി.കൃഷ്ണയുടെ സംവിധാനത്തില് പുറത്തിറങ്ങിയ 'പകരത്തിന് പകരം' എന്ന മലയാള ചിത്രത്തിന്റെ നിര്മാതാവ് കൂടിയാണ്.
ഈനാട് പത്രം, ഇടിവി നെ്വര്ക്ക്, രാമദേവി പബ്ലിക് സ്കൂള്, പ്രിയ ഫുഡ്സ്, ഉഷാകിരണ് മൂവീസ്, മയൂരി ഫിലിം ഡിസ്ട്രിബ്യൂഷന്, മാര്ഗദര്സി ചിറ്റ് ഫണ്ട്, ഡോള്ഫിന് ഗ്രൂപ്പ് ഓഫ് ഹോട്ടല്സ്, കലാഞ്ജലി തുടങ്ങി വിവിധ വിവിധ വ്യവസായ സംരംഭങ്ങളുടെ ഉടമയായിരുന്നു. 1983ല് സ്ഥാപിതമായ നിര്മാണ കമ്പനിയായ ഉഷാകിരന് മൂവീസിന്റെ ബാനറില് ഹിന്ദി, മലയാളം, തെലുഗു, തമിഴ്, കന്നട, മറാത്തി, ബംഗാളി തുടങ്ങിയ ഭാഷകളിലായി ഏതാണ്ട് 80 സിനിമകള് നിര്മിച്ചിട്ടുണ്ട്.
ദേശീയ ചലച്ചിത്ര പുരസ്കാരവും നാലു ഫിലിംഫെയര് അവാര്ഡുകളും നേടി. 2000 ല് പുറത്തിറങ്ങിയ 'നുവ്വേ കാവാലി' എന്ന സിനിമയ്ക്കാണ് ദേശീയ പുരസ്കാരം ലഭിച്ചത്. പത്രപ്രവര്ത്തനം, സാഹിത്യം, വിദ്യാഭ്യാസം എന്നിവയില് നല്കിയ സംഭാവനകള്ക്ക് 2016ല് ഇന്ത്യയിലെ ഏറ്റവും ഉയര്ന്ന രണ്ടാമത്തെ സിവിലിയന് ബഹുമതിയായ പത്മവിഭൂഷണ് നല്കി രാജ്യം അദ്ദേഹത്തെ ആദരിച്ചു.