കുഞ്ചാക്കോ ബോബന്‍, വിനായകന്‍, ജോജു ജോര്‍ജ്ജ്, ദിലീഷ് പോത്തന്‍, പ്രകാശ് രാജ് എന്നിവരെ കേന്ദ്രകഥാപാത്രങ്ങളാക്കി കമല്‍ കെ.എം സംവിധാനം ചെയ്ത 'പട'യുടെ ടീസര്‍ പുറത്തുവന്നു.
ഒരു വലിയ അനീതിക്കെതിരെയുള്ള കലാപമാണിത് എന്നാണ് ടീസറിലെ പഞ്ച് ലൈനര്‍. ഇ ഫോര്‍ എന്റര്‍ടെയിന്‍മെന്റിന്റെ ബാനറില്‍ മുകേഷ് മേത്ത, സിവി സാരഥി എന്നിവരും എവിഎ ഫിലിംസിന്റെ ബാനറില്‍ എ.വി അനൂപും ചേര്‍ന്നാണ് നിര്‍മ്മാണം.
സമീര്‍ താഹിറാണ് ക്യാമറ. ഷാന്‍ മുഹമ്മദ് എഡിറ്റിംഗ്. വിഷ്ണു വിജയ് സംഗീതം. അജയന്‍ അടാട്ട് സൗണ്ട് ഡിസൈനര്‍. കനി കുസൃതി,അര്‍ജുന്‍ രാധാകൃഷ്ണന്‍, ഇന്ദ്രന്‍സ്, സലിംകുമാര്‍, ജഗദീഷ്, ടിജി രവി, ഉണ്ണിമായ പ്രസാദ്, ക സാവിത്രി ശ്രീധരന്‍, ഷൈന്‍ ടോം ചാക്കോ, വി.കെ ശ്രീരാമന്‍, ഗോപാലന്‍ അടാട്ട്, സുധീര്‍ കരമന, ദാസന്‍ കോങ്ങാട്, ഹരി കോങ്ങാട് തുടങ്ങി വന്‍ താരനിര ചിത്രത്തിലുണ്ട്.
