നസ്രിയ ആദ്യമായി അഭിനയിക്കുന്ന തെലുങ്കു ചിത്രമാണ് 'അണ്ടേ സുന്ദരാനികി'. ചിത്രത്തിലെ നസ്രിയയുടെ ക്യാരക്ടര്‍ വീഡിയോ അണിയറ പ്രവര്‍ത്തകര്‍ പുറത്തുവിട്ടു. ലീല തോമസ് എന്നാണ് നസ്രിയയുടെ കഥാപാത്രത്തിന്റെ പേര്. നാനിയാണ് ചിത്രത്തിലെ നായകന്‍.
ജൂണ്‍ 10നാണ് റൊമാന്റിക് കോമഡി എന്റര്‍ടെയ്‌നറായ 'അണ്ടേ സുന്ദരാനികി' റിലീസ് ചെയ്യുന്നത്. മൈത്രീ മൂവീസാണ് നിര്‍മ്മാണം. വിവേക് ആത്രേയാണ് ചിത്രത്തിന്റെ തിരക്കഥയും സംവിധാനവും. മണിയറയിലെ അശോകനാണ് അവസാനമായി റിലീസ് ചെയ്ത നസ്രിയയുടെ ചിത്രം.
നദിയ മൊയ്തു, രോഹിണി എന്നിവരും ചിത്രത്തില്‍ പ്രധാന വേഷം അവതരിപ്പിക്കുന്നു. നാനിയുടെ 28ാമത്തെ ചിത്രം കൂടിയാണിത്. നികേത് ബൊമ്മിയാണ് ഛായാഗ്രാഹകന്‍. സംഗീതം വിവേക് സാഗര്‍.
