നയന്‍താര കേന്ദ്ര കഥാപാത്രമായ ഒക്‌സിജന്‍ (O2) എന്ന ചിത്രത്തിന്റെ ടീസര്‍ പുറത്തിറങ്ങി. ജി എസ് വിക്‌നേഷ് സംവിധാനം ചെയ്ത ചിത്രം ഒരു സര്‍വൈവല്‍ ത്രില്ലറാണെന്നാണ് ടീസര്‍ സൂചിപ്പിക്കുന്നത്. ഹോട്ട്‌സ്റ്റാറിലൂടെയാണ് ചിത്രം പ്രേക്ഷകരിലേക്ക് എത്തുക.
നയന്‍താരയ്ക്ക് പുറമെ ജാഫര്‍ ഇടുക്കിയും ചിത്രത്തിലുണ്ട്. 2021ലാണ് O2വിന്റെ ചിത്രീകരണം പൂര്‍ത്തിയായത്. നിലവില്‍ ചിത്രം പോസ്റ്റ് പ്രൊഡക്ഷനിലാണ്.
എസ് ആര്‍ പ്രഭു, എസ് ആര്‍ പ്രകാശ് ബാബു എന്നിവരാണ് ചിത്രത്തിന്റെ നിര്‍മ്മാതാക്കള്‍. വിശാല്‍ ചന്ദ്രശേഖറാണ് ചിത്രത്തിന്റെ സംഗീത സംവിധാനം. അതേസമയം ഗോള്‍ഡ്, ലയണ്‍, കണക്ട്, ഗോഡ്ഫാദര്‍ എന്നിവയാണ് റിലീസ് ചെയ്യാനിരിക്കുന്ന നയന്‍താര ചിത്രങ്ങള്‍.
