![ഇന്ത്യക്ക് ഡബിൾ, മിഷേൽ യു നടി, ഫ്രേസർ നടൻ, ഓസ്കാറിൽ തിളങ്ങി എവരിത്തിങ്ങ് എവരിവേർ ഓൾ അറ്റ് വൺസ്](http://cf-images.assettype.com/thecue%2F2023-03%2F5dbeb57a-864b-4a59-95a5-8d0028a3e6f4%2F2023_03_13t025854z_1136584879_hp1ej3d08a48v_rtrmadp_3_awards_oscars.avif?rect=0%2C0%2C2048%2C1152&w=480&auto=format%2Ccompress&fit=max)
തൊണ്ണൂറ്റിയഞ്ചാമത് ഓസ്കാർ വേദിയിൽ ഇന്ത്യക്ക് പുരസ്കാര നേട്ടം. മികച്ച ഗാനത്തിനും ഡോക്യുമെന്ററി ഷോർട്ടിനുമുള്ള പുരസ്കാരങ്ങളാണ് ഇന്ത്യയുടെ നേട്ടം. രാജമൗലിയുടെ സംവിധാനത്തിലൊരുങ്ങിയ ആർആർആർ എന്ന ചിത്രത്തിലെ എംഎം കീരവാണിയൊരുക്കിയ നാട്ടു നാട്ടു എന്ന ഗാനം പുരസ്കാരം നേടിയപ്പോൾ, കാർത്തികി ഗോൺസാൽവേസ് സംവിധാനം ചെയ്ത തമിഴ് ഷോർട്ട് ഡോക്യുമെന്ററി എലിഫന്റ് വിസ്പറേഴ്സാണ് മറ്റൊരു പുരസ്കാരം നേടിയത്.
ഡാനിയൽ ക്വാനും ഡാനിയൽ ഷെയ്നേർട്ടും സംവിധാനം ചെയ്ത എവരിത്തിങ്ങ് എവരിവേർ ഓൾ അറ്റ് വൺസാണ് മികച്ച ചിത്രം,മികച്ച സംവിധായകൻ, മികച്ച നടി, മികച്ച സഹനടി, സഹനടൻ , എഡിറ്റിംഗ് , തിരക്കഥ തുടങ്ങി ഏഴ് പുരസ്കാരങ്ങളാണ് ചിത്രം നേടിയത്. ചിത്രത്തിലൂടെ മിഷേൽ യു മികച്ച നടിയ്ക്കുള്ള പുരസ്കാരം നേടിയ ആദ്യ ഏഷ്യൻ അഭിനേത്രിയായി മാറി.
ദ വെയ്ലിലെ അഭിനയത്തിന് ബ്രണ്ടൻ ഫ്രേസറാണ് മികച്ച നടനുള്ള പുരസ്കാരം സ്വന്തമാക്കിയത്. മികച്ച മേക്കപ്പിനുള്ള പുരസ്കാരവും വെയ്ൽ സ്വന്തമാക്കി. ജർമൻ ചിത്രം ഓൾ ക്വയറ്റ് ഓൺ ദ വെസ്റ്റേൺ ഫ്രണ്ടാണ് നേട്ടമുണ്ടാക്കിയ മറ്റൊരു പ്രധാന ചിത്രം. മികച്ച വിദേശചിത്രം, സിനിമാറ്റോഗ്രഫി, പശ്ചാത്തലസംഗീതം പ്രൊഡക്ഷൻ ഡിസൈൻ എന്നീ പുരസ്കാരങ്ങളാണ് ചിത്രം നേടിയത്.
ജെയിംസ് കാമറൂണിന്റെ അവതാർ വേ ഓഫ് വാട്ടർ മികച്ച വിഷ്വൽ എഫക്ടിനുള്ള പുരസ്കാരവും ബ്വാക്ക് പാന്തർ വാക്കണ്ട ഫോർ എവർ മികച്ച കോസ്റ്റ്യൂം ഡിസൈനുള്ള പുരസ്കാരവും ടോപ് ഗൺ മാവെറിക്ക് മികച്ച സൗണ്ടിനുള്ള പുരസ്കാരവും നേടി. സാറ പോളിയുടെ വുമൺ ടോക്കിങ്ങിനാണ് അഡാപ്റ്റഡ് സ്ക്രീൻപ്ലേയ്ക്കുള്ള പുരസ്കാരം. ഒൻപത് ഓസ്കാർ നോമിനേഷൻസുണ്ടായിരുന്ന നെറ്റ്ഫ്ലിക്സ് ചിത്രം ബാൻഷീസ് ഓഫ് ഇൻഷിറിനും സ്റ്റീവൻ സ്പിൽബർഗിന്റെ ദ ഫേബിൾമാനും പുരസ്കാരങ്ങൾ ഒന്നും തന്നെ നേടാനായില്ല.
Best Picture: “Everything Everywhere All at Once”
Best Actress: Michelle Yeoh, “Everything Everywhere All at Once”
Best Actor: Brendan Fraser, “The Whale”
Best Director: Daniel Kwan, Daniel Scheinert, “Everything Everywhere All at Once”
Best Original Song: “Naatu Naatu,” “RRR”
Best Documentary Feature: “Navalny”
Best Adapted Screenplay: “Women Talking”
Best Original Screenplay: “Everything Everywhere All at Once”
Best Costume Design: “Black Panther: Wakanda Forever”
Best International Feature: “All Quiet on the Western Front”
Best Supporting Actor: Ke Huy Quan, “Everything Everywhere All at Once”
Best Animated Feature: “Guillermo Del Toro’s Pinocchio”
Best Visual Effects: “Avatar: The Way of Water”
Best Cinematography: “All Quiet on the Western Front”
Best Supporting Actress: Jamie Lee Curtis, “Everything Everywhere All at Once”
Best Film Editing: “Everything Everywhere All at Once”
Best Score: “All Quiet on the Western Front”
Best Sound: “Top Gun: Maverick”
Best Production Design: “All Quiet on the Western Front”
Best Makeup and Hairstyling: “The Whale”
Best: Documentary (Short Subject): “The Elephant Whisperers”
Best Short (Animated): “The Boy, the Mole, the Fox and the Horse”
Best Short Film (Live Action): “An Irish Goodbye”