നടനും തിരക്കഥാകൃത്തും സംവിധായകനുമായ സോഹന്‍ സീനുലാല്‍ തിരക്കഥയെഴുതി സംവിധാനം ചെയ്യുന്ന ചിത്രം 'അണ്‍ലോക്ക്'ന്റെ ഫസ്റ്റ്ലുക് പോസ്റ്റർ പുറത്തിറങ്ങി. മമ്മൂട്ടിയുടെ ഫേസ്ബുക് പേജിലൂടെയാണ് പോസ്റ്റർ പുറത്തുവിട്ടത്.
ചെമ്പന്‍ വിനോദും ശ്രീനാഥ് ഭാസിയും മംമ്ത മോഹന്‍ദാസും പ്രധാനകഥാപാത്രങ്ങളാകുന്ന ചിത്രത്തിൽ ഇന്ദ്രന്‍സ്, ഷാജി നവോദയ തുടങ്ങിയവരാണ് മറ്റ് താരങ്ങൾ. എറണാകുളം പ്രധാന ലൊക്കേഷൻ ആകുന്ന ചിത്രത്തിന്റെ ഷൂട്ടിങ് ഒക്ടോബർ 15നായിരുന്നു ആരംഭിച്ചത്.
അഭിലാഷ് ശങ്കർ ഛായാഗ്രഹണവും സാജൻ വി എഡിറ്റിംഗും നിർവ്വഹിക്കുന്ന ചിത്രത്തിൽ സാബു വിത്രയാണ് കലാ സംവിധാനം. റോണക്സ് സേവിയർ മേക്കപും രമ്യ സുരേഷ് കോസ്റ്റ്യൂമും. ഡേവിസണ്‍ സി ജെ പ്രൊഡക്ഷന്‍ കണ്‍ട്രോളര്‍, വാര്‍ത്ത പ്രചരണം എ എസ് ദിനേശ്. മോഷന്‍ പ്രൈം മൂവീസിന്റെ ബാനറില്‍ സജീഷ് മഞ്ചേരിയാണ് നിര്‍മ്മാണം.
movies-unlock-malayalam first look poster
