വിവാഹവാര്‍ഷിക ദിനത്തില്‍ സെയ്ഫ് അലി ഖാന്‍ ആശംസകള്‍ നേര്‍ന്ന് കരീന കപൂര്‍ ഖാന്‍. ഗ്രീസില്‍ നിന്നുള്ള ഇരുവരുടെയും പഴയ ചിത്രം പങ്കുവെച്ചാണ് കരീന ആശംസ അറിയിച്ചത്.
'ഗ്രീസിലെ ആ ദിവസം, ഒരു പാത്രം സൂപ്പും പിന്നെ നമ്മളും, എന്റെ ജീവതമാണ് മാറി മറഞ്ഞത്‌. ലോകത്തിലെ തന്നെ സുന്ദരനായ വ്യക്തിക്ക് എന്റെ വിവാഹവാര്‍ഷിക ആശംസകള്‍' എന്നാണ് കരീന കുറിച്ചത്. താരങ്ങളുടെ 9ാമത്തെ വിവാഹ വാര്‍ഷികമാണിത്.
'ടശന്‍' എന്ന ചിത്രത്തിന്റെ ഷൂട്ടിങ്ങ് സമയത്താണ് ഇരുവരും പ്രണയത്തിലാവുന്നത്. പിന്നീട് 2012ലാണ് കരീനയും സെയ്ഫും വിവാഹിതരായത്. തൈമുര്‍ അലി ഖാനും ജെഹ് അലി ഖാനുമാണ് ഇരുവരുടെയും മക്കള്‍. 'ഓംകാര', 'ഏജന്റ് വിനോദ്', 'കുര്‍ബാന്‍' എന്നീ ചിത്രങ്ങളിലാണ് ഇരുവരും ഒരുമിച്ച് അഭിനയിച്ചിരിക്കുന്നത്.
