'ശ്രീദേവിക്ക്‌ ശേഷം ഹിന്ദി സിനിമയിൽ കോമഡി ചെയ്യുന്ന ഏക നടി ഞാൻ മാത്രം'; സ്വയം പുകഴ്ത്തി വീണ്ടും കങ്കണ

ശ്രീദേവിക്ക്‌ ശേഷം ഹിന്ദി സിനിമയിൽ കോമഡി ചെയ്യുന്ന ഒരേയൊരു നടി താനാണെന്ന പ്രഖ്യാപനവുമായി നടി കങ്കണ റണൗട്ട്. കങ്കണയും മാധവനും പ്രധാന കഥാപാത്രങ്ങളെ അവതരിപ്പിച്ച തനു വെഡ്സ് മനു എന്ന ചിത്രത്തിന് പത്ത് വർഷം തികയുന്ന സാഹചര്യത്തിലാണ് സോഷ്യൽ മീഡിയയിലൂടെ നടി പ്രഖ്യാപിച്ചിരിക്കുന്നത്. കങ്കണയുടെ കരിയറിൽ വഴിത്തിരിവ് ഉണ്ടാക്കിയ ചിത്രമായിരുന്നു തനു വെഡ്സ് മനു

ലോക സിനിമയിൽ തന്നെക്കാൾ മികച്ച നടി മറ്റാരുമില്ലെന്ന പ്രസ്താവനയുമായി നേരത്തെയും കങ്കണ മുന്നോട്ടു വന്നിരുന്നു. തന്നെ ഹോളിവുഡ് നടി മെറിൽ സ്ട്രിപ്പിനോടായിരുന്നു അന്ന് ഉപമിച്ചിരുന്നത്.