മമ്മൂട്ടി നായകനായെത്തിയ ദ പ്രീസ്റ്റ് എന്ന ചിത്രത്തിന് ശേഷം ജോഫിന്‍ ടി ചാക്കോ സംവിധാനം ചെയ്യുന്ന ചിത്രത്തിലെ നായികക്ക് വേണ്ടിയുള്ള കാസ്റ്റിംഗ് കോൾ പുറത്ത് വിട്ടു. എൺപതുകളുടെ പശ്ചാത്തലത്തിൽ ഒരുങ്ങുന്ന ഒരു പീരിയഡ് ബിഗ് ബജറ്റ് ത്രില്ലറാണ് ചിത്രം. അഭിനയ താല്പര്യം ഉള്ള പെൺകുട്ടികൾ ഒക്ടോബർ 30ന് മുൻപ് moviecallsyou@gmail.com എന്ന മെയിൽ ഐഡിയിലേക്ക് അ‍ഞ്ച് ചിത്രങ്ങൾ അയക്കുക. പ്രായപരിധി പതിനാറു മുതൽ 23 വയസ്സുവരെ. ഒക്ടോബർ 30 വരെ ചിത്രങ്ങൾ അയയ്ക്കാം.
മഞ്ജു വാര്യരും മമ്മൂട്ടിയും ആദ്യമായി ഒന്നിച്ചെത്തിയ സിനിമയാണ് ദ പ്രീസ്റ്റ്. ചിത്രത്തിൽ പുരോഹിതന്റെ കഥാപാത്രമാണ് മമ്മൂട്ടി അവതരിപ്പിച്ചത്. അസാധാരണ കഴിവുള്ള ഒരു പുരോഹിതന്റെ ജീവിതകഥയും അദ്ദേഹത്തിൻറെ നിഗൂഢമായ യാത്രയുമായിരുന്നു ചിത്രത്തിന്റെ പ്രമേയം.
ആന്റോ ജോസഫ് ഫിലിം കമ്പനിയും ആര്‍ ഡി ഇല്യുമിനേഷന്‍സുമായിരുന്നു ചിത്രത്തിന്റെ നിര്‍മ്മാണം. മമ്മൂട്ടിക്കും മഞ്ജു വാര്യര്‍ക്കുമൊപ്പം കൈദി ഫെയിം ബേബി മോണിക്ക, നിഖില വിമല്‍, ശ്രീനാഥ് ഭാസി, മധുപാല്‍,ജഗദീഷ് എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചിരുന്നു.ചിത്രം ആമസോൺ പ്രൈം വീഡിയോയിൽ ലഭ്യമാണ്
