'കുട്ടികൾക്ക് മുഖം മൂടിയും നെയിംസ്ലിപ്പും സമ്മാനിച്ച് 'ഗർർർ' ടീം'; ചിത്രം ജൂൺ 14 മുതൽ തിയറ്ററുകളിൽ
'ഗർർർ' എന്ന ചിത്രത്തിന്റെ പ്രമോഷനുമായി ബന്ധപ്പെട്ട് കുട്ടികള്ക്ക് സ്പെഷ്യൽ മുഖം മൂടിയും നെയിംസ്ലിപ്പുകളും സമ്മാനിച്ച് കുഞ്ചാക്കോ ബോബനും സുരാജ് വെഞ്ഞാറമൂടും. എസ്രയ്ക്ക് ശേഷം ജയ് കെ സംവിധാനം ചെയ്ത് കുഞ്ചാക്കോ ബോബൻ, സുരാജ് വെഞ്ഞാറമൂട് എന്നിവർ പ്രധാനവേഷങ്ങളിലെത്തുന്ന ചിത്രമാണ് ഗർർർ. 'ഗർർർ'-ലെ പ്രധാന കഥാപാത്രങ്ങളില് ഒരാളായ ദര്ശന് എന്ന സിംഹത്തിന്റെ ചിത്രങ്ങളുള്ള നെയിംസ്ലിപ്പും മുഖംമൂടിയുമാണ് കുട്ടികള് താരങ്ങളുടെ കയ്യില്നിന്ന് ഏറ്റുവാങ്ങിയത്. സംവിധായകന് ജയ് കെയും പ്രവീണ് എസും ചേര്ന്ന് തിരക്കഥ ഒരുക്കിയിരിക്കുന്ന ചിത്രം നിർമിക്കുന്നത് ഷാജി നടേശന്, തമിഴ് നടന് ആര്യ എന്നിവര് ചേർന്നാണ്. ചിത്രം ജൂൺ 14 -ന് തിയറ്ററുകളിലെത്തും.
യഥാർത്ഥ സംഭവത്തെ ആസ്പദമാക്കിയൊരുങ്ങുന്ന ചിത്രത്തിൽ ദർശൻ എന്ന കഥാപാത്രത്തെയാണ് കുഞ്ചാക്കോ ബോബൻ അവതരിപ്പിക്കുന്നത്. കൂടാതെ ഹോളിവുഡ്, ബോളിവുഡ് ചിത്രങ്ങളിൽ വേഷമിട്ടിട്ടുള്ള മോജോ എന്ന സിംഹമാണ് 'ദർശൻ' എന്ന സിംഹത്തെ അവതരിപ്പിക്കുന്നത്. സംവിധായകനായ രതീഷ് ബാലകൃഷ്ണൻ പൊതുവാളാണ് ചിത്രത്തിന്റെ പ്രൊഡക്ഷന് ഡിസൈനര്.
ചിത്രത്തിന്റെ സഹനിര്മ്മാണം സിനിഹോളിക്സ് ആണ് നിർവഹിക്കുന്നത്. ഛായാഗ്രഹണം: ജയേഷ് നായർ, എക്സിക്യൂട്ടീവ് പ്രൊഡ്യൂസർ: മിഥുൻ എബ്രഹാം, എഡിറ്റർ: വിവേക് ഹർഷൻ, പശ്ചാത്തല സംഗീതം: ഡോൺ വിൻസെന്റ്, സംഗീതം: ഡോൺ വിൻസെൻ്റ്, കൈലാസ് മേനോൻ, ടോണി ടാർസ്, ഗാനരചന: മനു മഞ്ജിത്, കലാസംവിധാനം: രഖിൽ, പ്രൊഡക്ഷൻ കൺട്രോളർ: ഷബീര് മലവട്ടത്ത്, സിങ്ക് സൗണ്ട് & സൗണ്ട് ഡിസൈൻ: ശ്രീജിത്ത് ശ്രീനിവാസൻ, VFX: എഗ് വൈറ്റ് വിഎഫ്എക്സ്, മേക്കപ്പ്: ഹസ്സൻ വണ്ടൂർ, വസ്ത്രാലങ്കാരം: സമീറ സനീഷ്, അഡീഷണൽ ഡയലോഗുകൾ: RJ മുരുകൻ, ക്രിയേറ്റീവ് ഡയറക്ടർ: ആൽവിൻ ഹെൻറി, ചീഫ് അസോസിയേറ്റ് ഡയറക്ടർ: മിറാഷ് ഖാൻ, വരികൾ: വൈശാഖ് സുഗുണൻ, ഡിസൈൻ: ഇല്യുമിനാര്ട്ടിസ്റ്റ്, ഡിജിറ്റൽ മാർക്കറ്റിംഗ്: അനൂപ് സുന്ദരൻ