!['സ്ഥിരം ത്രില്ലർ സിനിമയുടെ പാറ്റേൺ പൊളിക്കാൻ ശ്രമിച്ചിട്ടില്ല, പുതുമ കൊണ്ടുവരാനാണ് ശ്രമം'; ഗോളത്തെക്കുറിച്ച് സംജാദ്](http://cf-images.assettype.com/thecue%2F2024-06%2F120f78c6-68a5-4906-9870-7a689e704bb0%2FBeFunky_collage__85_.jpg?w=480&auto=format%2Ccompress&fit=max)
ത്രില്ലർ സിനിമകൾക്ക് സ്ഥിരം ഒരു പാറ്റേണുണ്ടെന്ന് വിശ്വസിക്കുന്നില്ലെന്ന് സംവിധായകൻ സംജാദ്. ദിലീഷ് പോത്തന് രഞ്ജിത്ത് സജീവ് എന്നിവരെ പ്രധാന കഥാപാത്രമാക്കി സംജാദ് സംവിധാനം ചെയ്ത ഇൻവസ്റ്റിഗേറ്റീവ് ക്രെെം ത്രില്ലർ ചിത്രമാണ് ഗോളം. എല്ലാ സിനിമയും വ്യത്യസ്തമാണെന്നും ത്രില്ലർ ചിത്രങ്ങളുടെ സ്ഥിരം പാറ്റേൺ പൊളിക്കാൻ ശ്രമിച്ചിട്ടില്ലെങ്കിലും ഒരു പുതുമ ചിത്രത്തിൽ കൊണ്ടുവരാൻ ശ്രമിച്ചിട്ടുണ്ട് എന്ന് സംജാദ് ക്യു സ്റ്റുഡിയോയ്ക്ക് നൽകിയ അഭിമുഖത്തിൽ പറഞ്ഞു.
സംജാദ് പറഞ്ഞത്:
ത്രില്ലർ സിനിമയ്ക്ക് സ്ഥിരം ഒരു പാറ്റേൺ ഉണ്ടെന്ന് ഞാൻ വിശ്വസിക്കുന്നില്ല. ശരിക്കും എല്ല സിനിമയും വ്യത്യസ്തമാണ്. അതിൽപ്പെട്ട ഒരു വ്യത്യസ്തമായ ചിത്രമാണ് ഗോളവും. ഇതിൽ സ്ഥിരം ത്രില്ലർ സിനിമയുടെ പാറ്റേൺ പൊളിക്കാൻ ശ്രമിച്ചിട്ടില്ലെങ്കിലും ഞങ്ങളുടേതായ രീതിയിൽ ഒരു പുതുമ കൊണ്ടു വരാൻ ശ്രമിച്ചിട്ടുണ്ട്. അത് നിങ്ങൾക്ക് സിനിമയിൽ കാണാൻ പറ്റുമെന്ന് വിചാരിക്കുന്നു.
ദിലീഷ് പോത്തൻ അവതരിപ്പിക്കുന്ന ഐസക് ജോൺ എന്ന കഥാപാത്രം കൊല്ലപ്പെടുന്നതും തുടർന്ന് ആ കൊലപാതകത്തെക്കുറിച്ച് അന്വേഷിക്കാനെത്തുന്ന രഞ്ജിത്ത് സജീവിന്റെ കഥാപാത്രമായ എ സി പി സന്ദീപ് കൃഷ്ണയെയും ചുറ്റിപ്പറ്റിയാണ് നടക്കുന്ന കഥയാണ് ഗോളം. പ്രവീൺ വിശ്വനാഥും സംജാദും ചേർന്ന് രചന നിർവഹിച്ചിരിക്കുന്ന ചിത്രം ഫ്രാഗ്രൻറ് നേച്ചർ ഫിലിം ക്രിയേഷൻസിന് വേണ്ടി ആനും സജീവും ആണ് നിർമിക്കുന്നത്. ജൂൺ 7 ന് റിലീസ് ചെയ്ത ചിത്രം നല്ല പ്രതികരണങ്ങളാണ് തിയറ്ററിൽ നിന്നും നേടുന്നത്.