സിനിമയിലെത്തി പത്താം വര്‍ഷം പിന്നിടുമ്പോള്‍ പുതിയ സിനിമയുടെ പ്രഖ്യാപനവുമായി നിവിന്‍ പോളി. നിവിന്‍ പോളി പ്രധാന കഥാപാത്രമായെത്തുന്ന 'ബിസ്മി സ്‌പെഷ്യല്‍' രാജേഷ് രവിയുടെ ആദ്യ സംവിധാന സംരംഭമാണ്. ഐശ്വര്യ ലക്ഷ്മിയാണ് നായിക.
വീക്കെന്‍ഡ് ബ്ലോക്ക്ബസ്‌റ്റേഴ്‌സിന്റെ ബാനറില്‍ സോഫിയ പോള്‍ ആണ് നിര്‍മ്മാണം. സനു വര്‍ഗീസ് ഛായാഗ്രഹണവും സുഷിന്‍ ശ്യാം സംഗീതവും നിര്‍വഹിക്കുന്നു. രാജേഷ് രവി, രാഹുല്‍ രമേശ്, സനു മജീദ് എന്നിവരാണ് തിരക്കഥ. ഷഫീഖ് മുഹമ്മദ് അലി എഡിറ്റിംഗും നിര്‍വഹിക്കുന്നു. സിനിമയുടെ ചിത്രീകരണം ഉടന്‍ ആരംഭിക്കുമെന്ന് അണിയറ പ്രവര്‍ത്തകര്‍ അറിയിച്ചു.
ഈ പ്രത്യേക ദിവസത്തില്‍, പുതിയ സിനിമ പ്രഖ്യാപിക്കാന്‍ സാധിച്ചതില്‍ സന്തോഷമുണ്ടെന്ന് നിവിന്‍ തന്റെ ഫെയ്‌സ്ബുക്കില്‍ കുറിച്ചു. വീക്കെന്‍ഡ് ബ്ലോക്ക്ബസ്‌റ്റേഴ്‌സ് നിര്‍മ്മിക്കുന്ന ആറാമത്തെ ചിത്രമാണ് ബിസ്മി സ്‌പെഷ്യല്‍.
