50th film of Manju Warrier Directed by Dhinil Babu
മഞ്ജു വാര്യരുടെ അമ്പതാം ചിത്രം സംവിധാനം ചെയ്യുന്നത് നവാഗതനായ ദിനില്‍ ബാബു. 9 എം.എം എന്ന് പേരിട്ടിരിക്കുന്ന ചിത്രം ഉടന്‍ ചിത്രീകരണമാരംഭിക്കും. ലവ് ആക്ഷന്‍ ഡ്രാമക്ക് ശേഷം അജു വര്‍ഗീസും വിശാഖ് സുബ്രഹ്മണ്യനും ചേര്‍ന്നാണ് ചിത്രം നിര്‍മ്മിക്കുന്നത്. ധ്യാന്‍ ശ്രീനിവാസനാണ് തിരക്കഥ. മഞ്ജു വാര്യര്‍ക്കൊപ്പം ദിലീഷ് പോത്തന്‍, സണ്ണി വെയ്ന്‍, ധ്യാന്‍ ശ്രീനിവാസന്‍ എന്നിവരും കഥാപാത്രങ്ങളായുണ്ട്.
വിക്രം വേദ, കൈദി എന്നീ സിനിമകള്‍ക്ക് സംഗീതമൊരുക്കിയ സാം സി.എസ് ആണ് സംഗീത സംവിധാനം. വേതാളം, വിവേകം, വിശ്വാസം എന്നീ സിനിമകളുടെ ഛായാഗ്രാഹകന്‍ വെട്രി പളനി സ്വാമിയാണ് ക്യാമറ. യെന്നിക്ക് ബെന്‍ ആണ് ആക്ഷന്‍ കൊറിയോഗ്രഫി.
ആക്ഷന്‍ ത്രില്ലര്‍ സ്വഭാവത്തിലുള്ളതാണ ചിത്രം. ലൗ ആക്ഷന്‍ ഡ്രാമ, റീലീസിന് ഒരുങ്ങുന്ന അജു വര്‍ഗീസ് നായകനായ സാജന്‍ ബേക്കറി എന്നീ ചിത്രങ്ങള്‍ക്ക് ശേഷം ഫന്റാസ്റ്റിക് ഫിലിംസ് നിര്‍മിക്കുന്ന ചിത്രം കൂടിയാണ്. 9എംഎം. വലിയൊരു താരനിര തന്നെ ചിത്രത്തില്‍ അണിനിരക്കുന്നുണ്ട്.
