ഇപ്പോള് ആളുകള്ക്ക് എന്നെ കാണുമ്പോള് ഒരു ചിരിയുണ്ട് | Biju Menon Interview
നാടന്‍ കഥാപാത്രങ്ങളാണ് നേരിട്ട് അറിയുന്നതും ചെയ്യാന്‍ എളുപ്പം സാധിക്കുന്നതെന്നും ബിജു മേനോന്‍. കോട്ടും സ്യൂട്ടും ഉള്ള കഥാപാത്രങ്ങള്‍ മേഡ് അപ്പ് ആണ്.
റിയലിസ്റ്റിക് ബാക്ക് ഡ്രോപ്പിലുള്ള നാടന്‍ കഥാപാത്രങ്ങളാണ് ചെയ്യാനും ഇഷ്ടം. സത്യം പറഞ്ഞാ വിശ്വസിക്കുവോ എന്ന സിനിമയില്‍ സംവൃതാ സുനിലിനെ നായികയായി നിശ്ചയിക്കുന്നതിന് മുമ്പ് സംയുക്തയെ പോലെ ഒരാളെ വേണം ഈ കഥാപാത്രത്തിന് എന്നാണ് സംവിധായകന്‍ പറഞ്ഞത്. സംവൃതാ സുനിലിനെ നായികയാക്കാം എന്ന് തീരുമാനിച്ച ശേഷം അവരോട് ഇക്കാര്യം പറയുന്നത് താനാണെന്നും ബിജു മേനോന്‍. സംവൃതയുടെ റീ എന്‍ട്രിക്ക് പറ്റിയ റോളാണെന്ന് പറയുകയായിരുന്നു.
സംവിധാനം ഭാരിച്ച കാര്യമാണ്. അഭിനയം അല്ലാതെ സംവിധാനം ചെയ്യാന്‍ ആലോചനയില്ലെന്നും ബിജു മേനോന്‍. നായക കഥാപാത്രമാകണമെന്ന് നിര്‍ബന്ധമില്ല. സോളോ ഹീറോ സിനിമകള്‍ വലിയ ബാധ്യതയാണ്. അത്തരം ടെന്‍ഷന്‍ ഏറ്റെടുക്കാന്‍ ആഗ്രഹിക്കാറില്ലെന്നും ബിജു മേനോന്‍ ദ ക്യൂ ഷോ ടൈമില്‍ പറയുന്നു.
