ഇന്ത്യന്‍ വിപണി ലക്ഷ്യമിട്ട് ഫോക്‌സ്‌വാഗന്റെ നാല് മോഡലുകള്‍, 2020 ഓട്ടോ എക്സ്പോയില് ആദ്യ പ്രദര്‍ശനം
2020 ഓട്ടോ എക്സ്പോയില് ജര്‍മ്മന്‍ ബ്രാന്‍ഡ് ആയ ഫോക്‌സ് വാഗന്‍ നാല് മോഡലുകള്‍ പ്രദര്‍ശിപ്പിക്കും. ഈ മോഡലുകള്‍ അടുത്ത രണ്ട് വര്‍ഷത്തിനുള്ളില്‍ ഇന്ത്യന്‍ വിപണിയില്‍ വില്‍പ്പനയ്ക്കെത്തുമെന്നും കമ്പനി അറിയിച്ചു. നാല് പുതിയ മോഡലുകളില്‍ ഫോക്സ്വാഗണ്‍ A0 എസ്യുവിയുടെ ലോക പ്രീമിയറും നടത്തും.
ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
പുതിയ ഫോക്സ്വാഗണ്‍ A0 മോഡല്‍ മിഡ്-സൈസ് എസ്യുവി വിഭാഗത്തില്‍ ആയിരിക്കും പ്രദര്‍ശിപ്പിക്കുക. ഫോക്സ്വാഗണ്‍ A0 എസ്യുവിയെ കൂടാതെ T-റോക്ക്, ടിഗുവാന്‍ ഓള്‍സ്പേസ്, ID ക്രോസ് ഇലക്ട്രിക് എസ്യുവി എന്നിവയുടെ ഇന്ത്യ-സ്‌പെക്ക് മോഡലുകളുമായിരിക്കും കമ്പനി പുറത്തിറക്കുക.
ഫോക്സ്വാഗനില്‍ നിന്നുള്ള T-റോക്ക് എസ്യുവിയുടെ ഇന്ത്യന്‍ മോഡല്‍ MQB പ്ലാറ്റ്‌ഫോമിലാവും ഒരുങ്ങുന്നത്. അന്താരാഷ്ട്ര വിപണികളില്‍ ഉപയോഗിക്കുന്ന MQB A0 ആര്‍ക്കിടെക്ച്ചറിന്റെ പരിഷ്‌ക്കരിച്ച പതിപ്പായിരിക്കും ഇത്. .
അന്താരാഷ്ട്ര നിരത്തുകളില്‍ ഉള്ള തങ്ങളുടെ ലോകോത്തര കാറുകള്‍ ഇന്ത്യയിലേക്ക് എത്തിക്കാനുള്ള ശ്രമത്തിലാണെന്ന് ഫോക്സ്വാഗന് അധികൃതര്‍ വ്യക്തമാക്കിയിട്ടുണ്ട്. ഇതോടൊപ്പം രാജ്യത്ത് നിലവില്‍ വില്‍പ്പനയ്ക്ക് എത്തുന്ന ടിഗ്വാന്‍ എസ്യുവിയുടെ ഏഴ് സീറ്റ് പതിപ്പായ ടിഗ്വാന്‍ ഓള്‍സ്‌പെയിസും ഓട്ടോ എക്സ്പോയില് അവതരിപ്പിക്കാന്‍ ഫോക്സ്വാഗന് പദ്ധതിയുണ്ട്
