ദുബായ് ആസ്ഥാനമായി പ്രവര്‍ത്തിക്കുന്ന യൂണിയന്‍ കോപ്, ലോക ജൈവവൈവിധ്യ ഫണ്ടിന്‍റെ (ഡബ്ല്യൂ ഡബ്ല്യൂ എഫ് ) ഭാഗമായ എമിറേറ്റ്സ് നേച്ചര്‍-ഡബ്ല്യുഡബ്ല്യുഎഫുമായി ധാരണാപത്രത്തിൽ ഒപ്പിട്ടു. സോഷ്യൽ റെസ്പോൺസിബിലിറ്റി പദ്ധതികളുടെ ഭാഗമായാണ് പങ്കാളിത്തം.
യൂണിയന്‍ കോപ് ആസ്ഥാനമായ അൽ വര്‍ഖാ സിറ്റി മാളിൽ വച്ചായിരുന്നു എഒയുവിൽ ഒപ്പിട്ടത്. യൂണിയന്‍ കോപ് എം.ഡി അബ്ദുള്ള മുഹമ്മദ് റാഫി അൽ ദല്ലാൽ, എമിറേറ്റ്സ് നേച്ചര്‍-ഡബ്ല്യുഡബ്ല്യുഎഫ് ഡയറക്ടര്‍ ജനറൽ ലൈല മൊസ്തഫ അബ്ദുള്‍ലത്തീഫ് എന്നിവരാണ് ധാരണാപത്രത്തിൽ ഒപ്പുവച്ചത്.ധാരണാപത്രം ഒപ്പിട്ടശേഷം എമിറേറ്റ്സ് നേച്ചര്‍-ഡബ്ല്യുഡബ്ല്യുഎഫ് പ്രതിനിധികള്‍ യൂണിയന്‍ കോപ് അൽ വര്‍ഖാ സിറ്റി മാള്‍ സന്ദര്‍ശിച്ചു.
