News n Views
യുവാവ് തടാകത്തില്‍ ഇറങ്ങിനിന്നു,കസിന്‍ ഷൂട്ട് ചെയ്തു ;ടിക് ടോക് ചിത്രീകരണത്തിനിടെ ദാരുണാന്ത്യം
ടിക് ടോക് വീഡിയോ ചിത്രീകരണത്തിനിടെ യുവാവ് തടാകത്തില്‍ മുങ്ങിമരിച്ചു. ഹൈദരാബാദിലാണ് നടുക്കുന്ന സംഭവം. 24 കാരനായ നരസിംഹലുവിനാണ് കഴിഞ്ഞ ദിവസം ദാരുണാന്ത്യമുണ്ടായത്. യുവാവ് വെള്ളത്തിലിറങ്ങി നില്‍ക്കുകയും കസിന്‍ വീഡിയോ ചിത്രീകരിക്കുകയുമായിരുന്നു. കൂടുതല്‍ ആഴമുള്ള സ്ഥലത്തേക്ക് നീങ്ങിയപ്പോള്‍ യുവാവ് മുങ്ങിപ്പോയി. അര്‍ദ്ധസഹോദരന്‍ പ്രശാന്ത് വീഡിയോ ചിത്രീകരിച്ചുകൊണ്ടിരിക്കുകയായിരുന്നു.
അപകടത്തില്‍പ്പെട്ടെന്ന് തിരിച്ചറിഞ്ഞതോടെ പ്രശാന്ത് ഒച്ചവെച്ച് ആളെക്കൂട്ടി. തുടര്‍ന്ന് രക്ഷാപ്രവര്‍ത്തനം നടത്തിയെങ്കിലും നരസിംഹലു മരണത്തിന് കീഴടങ്ങിയിരുന്നു. സംഭവശേഷം ഇതിന്റെ വീഡിയോ സമൂഹ മാധ്യമങ്ങളില്‍ വൈറലായിട്ടുണ്ട്. കസിന്‍ പ്രശാന്തിനെ കാണാനെത്തിയതായിരുന്നു നരസിംഹലു. തുടര്‍ന്ന് ഇരുവരും ചേര്‍ന്ന് തടാകക്കരയിലേക്ക് പോവുകയായിരുന്നു.
