ഇടതുമുന്നണിയുടെ ധാര്‍ഷ്ട്യത്തിന്റെയും അഹങ്കാരത്തിന്റെയും കൊമ്പൊടിക്കാന്‍ കനത്ത പരാജയം നല്‍കണമെന്ന് മുതിര്‍ന്ന കോണ്‍ഗ്രസ് നേതാവ് എ.കെ ആന്റണി. വോട്ട് കുറച്ചാല്‍ മാത്രമേ ധിക്കാരം അവസാനിക്കൂ. അഹങ്കാരത്തിന്റെ മുനയൊടിക്കാന്‍ ഇടതിനെ ചെണ്ടകൊട്ടി തോല്‍പ്പികണമെന്നും എ.കെ ആന്റണി.
ഏകാധിപത്യ സ്വഭാവത്തിലാണ് പിണറായി വിജയന്റെ ഭരണം. രാജാവ് തീരുമാനിക്കുന്നത് ജനങ്ങള്‍ അനുസരിക്കണമെന്ന അവസ്ഥയാണ് കേരളത്തിലെന്നും എ.കെ ആന്റണി. വിലക്കയറ്റവും കാലവര്‍ഷക്കെടുതിയും മൂലം ജനം നട്ടം തിരിയുമ്പോള്‍ മുഖ്യമന്ത്രിയും മന്ത്രിമാരും തൃക്കാക്കരയില്‍ തമ്പടിച്ചിരിക്കുകയാണെന്നും മാധ്യമങ്ങളോട് എ.കെ ആന്റണി.
തൃക്കാക്കരയിലെ ജനവിധി എല്‍ഡിഎഫ് സര്‍ക്കാരിനുള്ള ഷോക്ക് ട്രീറ്റ്‌മെന്റായിരിക്കുമെന്ന് എ.കെ ആന്റണി കഴിഞ്ഞ ദിവസം പറഞ്ഞിരുന്നു. തൃക്കാക്കര ഉപതിരഞ്ഞെടുപ്പ് കോണ്‍ഗ്രസിനാകും ഷോക് ട്രീറ്റ്‌മെന്റാകുകയെന്ന് ഇടതുമുന്നണി കണ്‍വീനര്‍ ഇ.പി.ജയരാജന്‍ പ്രതികരിച്ചു. കൊച്ചിയിലുണ്ടായ വികസനം കണ്ട് ആന്റണിക്ക് വല്ലാത്ത നൊമ്പരം കാണും. രാജ്യത്താകെ കോണ്‍ഗ്രസിന്റെ തെറ്റായ നയങ്ങള്‍ക്കുളള തിരിച്ചടിയാകും ജനവിധിയെന്നും ഇ.പി
