സംസ്ഥാനത്ത് ഇന്ന് 488 പേര്‍ക്ക് കൊവഡ് 19 സ്ഥിരീകരിച്ചു. 143 പേര്‍ രോഗമുക്തരായി. ഇന്ന് രണ്ട് പേരാണ് കൊവിഡ് മൂലം മരിച്ചത്. തിരുവനന്തപുരം സ്വദേശി 66കാരനായ സൈഫുദീന്‍, എറണാകുളത്ത് 79 വയസുള്ള ബാലകൃഷ്ണന്‍ എന്നിവരാണ് ഇന്ന് മരിച്ചതെന്നും മുഖ്യമന്ത്രി പിണറായി വിജയന്‍ വാര്‍ത്താസമ്മേളനത്തില്‍ അറിയിച്ചു.
ഇന്ന് രോഗം ബാധിച്ചവരില്‍ 167 പേര്‍ വിദേശരാജ്യങ്ങളില്‍ നിന്നും വന്നവരാണ്. മറ്റ് സംസ്ഥാനങ്ങളില്‍ നിന്ന് വന്നത് 76 പേരാണ്. 234 പേര്‍ക്കാണ് സമ്പര്‍ക്കത്തിലൂടെ രോഗം ബാധിച്ചത്. രണ്ട് ആരോഗ്യ പ്രവര്‍ത്തകര്‍ക്കും രോഗം ബാധിച്ചു.
ഫലം നെഗറ്റീവായവരുടെ ജില്ല തിരിച്ചുള്ള കണക്ക്: തിരുവനന്തപുരം 6, കൊല്ലം 26, പത്തനംതിട്ട 43, ആലപ്പുഴ 11, കോട്ടയം 6, എറണാകുളം 3, ഇടുക്കി 4, തൃശൂര്‍ 17, പാലക്കാട് 7, മലപ്പുറം 15, കോഴിക്കോട് 4, കണ്ണൂര്‍ 1.
കഴിഞ്ഞ 24 മണിക്കൂറിനകം 12104 സാമ്പിളുകള്‍ പരിശോധിച്ചു. 182050 പേരാണ് സംസ്ഥാനത്ത് നിരീക്ഷണത്തിലുള്ളത്. 3694 പേര്‍ ആശുപത്രികളിലാണ്. ഇന്ന് മാത്രം 570 പേരെ ആശുപത്രിയില്‍ പ്രവേശിപ്പിച്ചു. ഇതുവരെ 233809 സാമ്പിളുകള്‍ പരിശോധനയ്ക്കായി അയച്ചു. 6449 സാമ്പിളുകളുടെ പരിശോധനാ ഫലം വരാനുണ്ട്. സംസ്ഥാനത്ത് 195 ഹോട്ട്‌സപോട്ടുകളുണ്ട്. സംസ്ഥാനത്താകെ ലോകവ്യാപനം വര്‍ധിക്കുന്നതിന്റെ സൂചനയാണ് ഇന്ന് ലഭിക്കുന്ന കണക്കുകള്‍ എന്നും മുഖ്യമന്ത്രി പറഞ്ഞു.
