മുതിര്‍ന്ന സി.പി.ഐ.എം നേതാവ് വി.എസ് അച്യുതാനന്ദന്‍ ആശുപത്രിയില്‍. ശ്രീ ഉത്രാടം തിരുനാള്‍ ആശുപത്രിയിലാണ് അദ്ദേഹത്തെ പ്രവേശിപ്പിച്ചിരിക്കുന്നത്.
നിലവില്‍ കിഡ്‌നി സംബന്ധമായ അസുഖവും ആമാശയവീക്കവും സ്ഥിരീകരിച്ചിട്ടുണ്ട്. രക്തത്തിലെ സോഡിയത്തിന്റെ അളവ് കുറവാണെന്നും ഡോ. അനൂപ് ചന്ദ്രന്‍ പൊതുവാള്‍ ഇറക്കിയ മെഡിക്കല്‍ ബുള്ളറ്റിനില്‍ പറയുന്നു.
ചില ആരോഗ്യ പ്രശ്‌നങ്ങള്‍ കാരണം ഞായറാഴ്ച അച്ഛനെ എസ്.യു.ടി ആശുപത്രിയില്‍ പ്രവേശിപ്പിച്ചുവെന്നും ഒന്നുരണ്ട് ദിവസങ്ങള്‍ക്കകം ആരോഗ്യസ്ഥിതി പൂര്‍വ്വസ്ഥിതിയിലാവുമെന്ന് പ്രതീക്ഷിക്കുന്നുവെന്നും മകന്‍ അരുണ്‍ കുമാര്‍ പറഞ്ഞു. രക്തസമ്മര്‍ദ്ദം ക്രമാതീതമായി ഉയര്‍ന്നതിനെ തുടര്‍ന്നായിരുന്നു അദ്ദേഹത്തെ ആശുപത്രിയില്‍ പ്രവേശിപ്പിച്ചത്.
