അനില്‍ അക്കര എംഎല്‍എയെ അപായപ്പെടുത്തുമെന്ന് ഭീഷണിയുണ്ടെന്ന് ടിഎന്‍ പ്രതാപന്‍ എംപി. ടെലിഫോണിലൂടെയും നേരിട്ടും ഭീഷണിപ്പെടുത്തുന്നു. പൊലീസ് സുരക്ഷ നല്‍കണമെന്ന് ആവശ്യപ്പെട്ട് ഡിജിപിക്കും ആഭ്യന്തര സെക്രട്ടറിക്കും ടിഎന്‍ പ്രതാപന്‍ കത്ത് നല്‍കി.
ഡിവൈഎഫ്‌ഐയാണ് ഭീഷണിക്ക് പിന്നിലെന്ന് കോണ്‍ഗ്രസ് ആരോപിച്ചു. അനില്‍ അക്കര എംഎല്‍എയെ അപായപ്പെടുത്താന്‍ വാടക സംഘങ്ങളെ ഡിവൈഎഫ്‌ഐ ഇറക്കിയിട്ടുണ്ട്. വീടിന് സമീപത്തെത്തി ഭീഷണിപ്പെടുത്തുന്നുണ്ടെന്നും കോണ്‍ഗ്രസ് ആരോപിക്കുന്നു.
ലൈഫ് മിഷന്‍ പദ്ധതിക്കെതിരെ അനില്‍ അക്കര എംഎല്‍എ നല്‍കിയ പരാതിയുടെ അടിസ്ഥാനത്തിലാണ് സിബിഐ കേസെടുത്തിരിക്കുന്നത്. ഭീഷണി കൊണ്ട് പിന്നോട്ട് പോകില്ലെന്നും അഴിമതിക്കെതിരായ പോരാട്ടം തുടരുമെന്നും ടിഎന്‍ പ്രതാപന്‍ എംപി പറഞ്ഞു.
