മാരകായുങ്ങളുമായി എത്തിയ ആര്‍.എസ്.എസ് പ്രവര്‍ത്തകരെ ആലപ്പുഴയില്‍ വെച്ച് അറസ്റ്റ് ചെയ്തു. ആലപ്പുഴ മണ്ണഞ്ചേരിയില്‍ ആയുധങ്ങളുമായി എത്തിയ രണ്ട് ആര്‍.എസ്.എസ് പ്രവര്‍ത്തകരെയാണ് പൊലീസ് പിടികൂടിയത്.
ബിറ്റു എന്ന് വിളിക്കുന്ന സുമേഷ്, ശ്രീനാഥ് എന്നിവരെയാണ് കഴിഞ്ഞദിവസം രാത്രി അറസ്റ്റ് ചെയ്തത്.
സംശയാസ്പദമായി രണ്ട് പേരെ കണ്ടതോടെ നാട്ടുകാര്‍ പൊലീസില്‍ വിവരം അറിയിക്കുകയായിരുന്നു. ഇവരില്‍ നിന്ന് വടിവാള്‍ പിടിച്ചെടുത്തു.
2021 ഡിസംബര്‍ 18ന് എസ്.ഡി.പി.ഐ പ്രവര്‍ത്തകന്‍ ഷാനെ ആര്‍.എസ്.എസ് പ്രവര്‍ത്തകര്‍ കൊലപ്പെടുത്തിയ പരിസരത്ത് നിന്നാണ് ഇരുവരെയും പിടികൂടിയത്.
ഇവരെ ചോദ്യം ചെയ്ത് വരികയാണെന്നും ആയുധങ്ങളുമായി എത്തിയതിന്റെ ലക്ഷ്യമെന്താണെന്ന് പരിശോധിക്കുമെന്നും മണ്ണഞ്ചേരി പൊലീസ് പറഞ്ഞു.
