കോണ്‍ഗ്രസിന്റെയും ഇന്ത്യയുടേയും ഭാവി ഈ കൊഞ്ഞാണന്മാരുടെ കയ്യില്‍ ഭദ്രമാണല്ലോ എന്നോര്‍ക്കുമ്പോഴാണ്, ബെന്യാമിന്റെ പരിഹാസം
മുഖ്യമന്ത്രി പിണറായി വിജയന്‍ കൊവിഡ് അവലോകന യോഗത്തിന് ശേഷമുള്ള വാര്‍ത്താ സമ്മേളം ഇനി മുതല്‍ ഒന്നിടവിട്ടുള്ള ദിവസങ്ങളിലായിരിക്കുമെന്ന് ഏപ്രില്‍ 17ന് അറിയിച്ചിരുന്നു. കെ.എം ഷാജി ഉയര്‍ത്തി ആരോപണങ്ങള്‍ക്ക് പിന്നാലെയാണ് മുഖ്യമന്ത്രിയുടെ പിന്‍മാറ്റം എന്ന രീതിയിലാണ് കോണ്‍ഗ്രസ് നേതാക്കള്‍ ഇതേക്കുറിച്ച് പ്രതികരിച്ചത്. കെ.എസ് ശബരീനാഥന്‍, ഷാഫി പറമ്പില്‍, ടി സിദ്ദീഖ്, വി.ടി ബല്‍റാം തുടങ്ങിയവര്‍ ഫേസ്ബുക്കില്‍ പരിഹാസവുമായി രംഗത്ത് വന്നു.
കോണ്‍ഗ്രസ് നേതാക്കളുടെ പ്രതികരണത്തെ രൂക്ഷമായി പരിഹസിച്ച് എഴുത്തുകാരന്‍ ബെന്യാമിന് രംഗത്ത് വന്നു. 'കോണ്‍ഗ്രസിന്റെയും ഇന്ത്യയുടേയും ഭാവി ഈ കൊഞ്ഞാണന്മാരുടെ കയ്യില്‍ ഭദ്രമാണല്ലോ എന്നോര്‍ക്കുമ്പോഴാണ് ഒരു ഇത്' എന്നാണ് ബെന്യാമിന്റെ പരിഹാസം.
ബെന്യാമിന് മറുപടിയുമായി വി.ടി ബല്‍റാം രംഗത്ത് വന്നിട്ടുണ്ട്. 'ആടുജീവിത'ത്തില്‍ നിന്ന് 'ശരീരശാസ്ത്ര'ത്തിലെത്തിയപ്പോഴേക്കും അദ്ദേഹത്തിന്റെ സര്‍ഗ്ഗാത്മകതയുടെ 'വളര്‍ച്ച' കൃത്യമായി ബോധ്യപ്പെട്ടത് കൊണ്ട് മറുപടിയായി ഒന്നും പറയുന്നില്ല എന്നാണ് ബല്‍റാമിന്റെ പ്രതികരണം.
