ചൈനയ്‌ക്കെതിരെ ഇന്ത്യ രണ്ട് യുദ്ധം നയിക്കുകയാണെന്ന് ഡല്‍ഹി മുഖ്യമന്ത്രി അരവിന്ദ് കെജ്രിവാള്‍. അതിര്‍ത്തിയിലും ചൈനയില്‍ നിന്ന് വന്ന വൈറസിനുമെതിരെയാണ് യുദ്ധം. ഈ രണ്ട് യുദ്ധത്തിലും പട്ടാളക്കാര്‍ക്കും ഡോക്ടര്‍മാര്‍ക്കുമൊപ്പം രാജ്യം മുഴുവന്‍ നില്‍ക്കണമെന്നും ട്വിറ്ററിലൂടെ ഡല്‍ഹി മുഖ്യമന്ത്രി അരവിന്ദ് കെജ്രിവാള്‍ ആവശ്യപ്പെട്ടു.
ഡല്‍ഹിയില്‍ കോവിഡ് 19 കേസുകള്‍ പടരുകയാണ്. കേന്ദ്ര സര്‍ക്കാര്‍ ഇടപെടുകയും യോഗങ്ങള്‍ വിളിക്കുകയും ചെയ്തിരുന്നു, വൈറസ് ബാധ തടയുന്നതിനുള്ള പദ്ധതികള്‍ തയ്യാറാക്കാന്‍ ഇന്നലെ ചേര്‍ന്ന യോഗത്തില്‍ തീരുമാനമായിരുന്നു. താഴേത്തട്ടില്‍ നിരീക്ഷണം ശക്തമാക്കാന്‍ കേന്ദ്രം നിര്‍ദേശിച്ചിട്ടുണ്ട്.
ഇന്നലെ വരെ 60,000 പേര്‍ക്കാണ് ഡല്‍ഹിയില്‍ കോവിഡ് 19 സ്ഥിരീകരിച്ചത്. കോറോണ രോഗം കണ്ടെത്തുന്നതിനുള്ള പരിശോധന വര്‍ധിപ്പിച്ചതായി അരവിന്ദ് കെജ്രിവാള്‍ അറിയിച്ചു.
