വില കുതിക്കുന്നു; ഉള്ളി കൊള്ളയടിച്ചു; നഷ്ടപ്പെട്ടത് 20 ലക്ഷത്തിന്റെ ചരക്ക്

മഹാരാഷ്ട്രയിലെ നാസിക്കില്‍ നിന്നും ഉത്തര്‍പ്രദേശിലെ ഗോരഖ്പൂരിലേക്ക് കയറ്റി അയച്ചത് 20 ലക്ഷം രൂപയുടെ ഉള്ളി. നാസിക്കില്‍ നിന്നും പുറപ്പെട്ട ട്രക്ക് വഴിയില്‍ അപ്രത്യക്ഷമായി. നവംബര്‍ 11 പുറപ്പെട്ട വണ്ടി 22 ന് ഗോരഖ്പൂരില്‍ എത്തേണ്ടതായിരുന്നു.

വ്യാപാരി പരാതി നല്‍കിയതോടെ പൊലീസ് അന്വേഷണം ആരംഭിച്ചു. ശിവപുരി എസ് പിയുടെ നേതൃത്വത്തില്‍ നടത്തിയ അന്വേഷണത്തില്‍ സോന്‍ഭദ്ര ജില്ലയില്‍ നിന്നും ഒഴിഞ്ഞ ട്രക്ക് ലഭിച്ചു. പ്രതികള്‍ക്കായി പൊലീസ് അന്വേഷണം ആരംഭിച്ചു.

വില കുതിച്ചുയര്‍ന്നതോടെ ഗുജറാത്തിലും ഉള്ളി മോഷണം നടന്നുവെന്ന് പരാതിയുണ്ട്. 25000 രൂപയുടെ ഉള്ളിയാണ് നഷ്ടപ്പെട്ടത്.

സവാളയ്ക്ക് മൊത്തക്കച്ചവട കേന്ദ്രങ്ങളില്‍ 100 രൂപയും ചില്ലറ വില്‍പ്പനയില്‍ 130 രൂപയുമാണ് ഈടാക്കുന്നത്. ചെറിയ ഉള്ളിയുടെ വില 150 എത്തി. വെളുത്തുള്ളിക്ക് കിലോയ്ക്ക് 300 രൂപയാണ്.

ദ ക്യു വീഡിയോ പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം