Around us
ഗൗരിയമ്മയെ ആശുപത്രിയില്‍ സന്ദര്‍ശിച്ച് മന്ത്രി കെ കെ ശൈലജ
പനിബാധിച്ച് ആശുപത്രിയില്‍ കഴിയുന്ന മുതിര്‍ന്ന കമ്മ്യൂണിസ്റ്റ് നേതാവും മുന്‍മന്ത്രിയുമായ കെ ആര്‍ ഗൗരിയമ്മയെ ആരോഗ്യമന്ത്രി കെ കെ ശൈലജ സന്ദര്‍ശിച്ചു. ആലപ്പുഴ വണ്ടാനം മെഡിക്കല്‍ കോളേജിലെത്തിയാണ് ആരോഗ്യമന്ത്രിയുടെ സന്ദര്‍ശനം.
ശ്വാസകോശ അണുബാധയേത്തുടര്‍ന്ന് ശനിയാഴ്ച്ച രാവിലെയാണ് ഗൗരിയമ്മയെ ആശുപത്രിയില്‍ പ്രവേശിപ്പിച്ചത്. വീട്ടിലെത്തി പരിശോധിച്ച ഡോക്ടറുടെ നിര്‍ദ്ദേശത്തെ തുടര്‍ന്ന് ആശുപത്രിയിലേക്ക് മാറ്റുകയായിരുന്നു. ചെസ്റ്റ് ഇന്‍ഫക്ഷന്‍ കുറയുന്നതോടെ ഗൗരിയമ്മയെ ഡിസ്ചാര്‍ജ് ചെയ്യുമെന്ന് ഡോക്ടര്‍ അറിയിച്ചു.
