തിരുവനന്തപുരത്തെ കഴക്കൂട്ടം മണ്ഡലത്തിൽ ശോഭ സുരേന്ദ്രന്‍ ചരിത്രം കുറിക്കുമെന്ന് മനോരമ ന്യൂസ്– വിഎംആർ എക്സിറ്റ് പോൾ ഫലം. 2.80% കൂടുതല്‍ വോട്ടോടെ കടകംപള്ളി സുരേന്ദ്രനെ അട്ടിമറിക്കുമെന്നാണ് പ്രവചനം. യുഡിഎഫ് സ്ഥാനാര്‍ഥിക്ക് കാര്യമായ നേട്ടമുണ്ടാക്കാനാവില്ലെന്നാണ് സര്‍വേ പറയുന്നത്. 2.80% മാർജിനിൽ മന്ത്രി കടകംപള്ളി സുരേന്ദ്രനെ ശോഭ അട്ടിമറിക്കുമെന്നാണ് പ്രവചനം. യുഡിഎഫിലെ ഡോ. എസ്.എസ്.ലാലിന് കഴിഞ്ഞതവണ മൂന്നാംസ്ഥാനത്തെത്തിയ എം.എ.വാഹിദിന്റെ പ്രകടനം പോലും ആവര്‍ത്തിക്കാനായില്ലെന്ന് സര്‍വേ പറയുന്നു.
വട്ടിയൂര്‍ക്കാവില്‍ സിറ്റിങ് എംഎല്‍എ വി.കെ.പ്രശാന്തിന് വിജയമെന്ന് എക്സിറ്റ് പോള്‍ പ്രവചിക്കുന്നു. ഈ മണ്ഡലത്തിൽ ബിജെപിയുടെ വോട്ട് കുറയും. യുഡിഎഫാണ് രണ്ടാമത്. 4.50 % മാര്‍ജിനില്‍ സിറ്റിങ് എംഎല്‍എ വി.കെ.പ്രശാന്ത് മണ്ഡലം നിലനിര്‍ത്തുമെന്ന് എക്സിറ്റ് പോൾ പറയുന്നു.
തിരുവനന്തപുരത്ത് വി.എസ്.ശിവകുമാറിനെ ആന്റണി രാജു അട്ടിമറിക്കുമെന്ന് എക്സിറ്റ് പോള്‍ പറയുന്നു. 2.40% അധികം വോട്ട് ആന്റണി രാജു നേടാന്‍ സാധ്യതയുണ്ട്. നടന്‍ കൃഷ്ണകുമാറിനെ മത്സരിപ്പിച്ച ബിജെപിക്ക് വോട്ടു കുറയുമെന്നും പ്രവചനം വ്യക്തമാക്കുന്നു. എൻഡിഎ 20.20% വോട്ട് മാത്രമാണ് നേടുന്നത്.
ബിജെപിക്ക് നേമം നഷ്ട്ടമാകുമെന്നാണ് എക്സിറ്റ് പോളിലെ പ്രവചനം. വി.ശിവന്‍കുട്ടി (എല്‍ഡിഎഫ്) 7.60% അധികവോട്ടോടെ മണ്ഡലം തിരിച്ചുപിടിക്കുമെന്ന് എക്സിറ്റ് പോള്‍ പറയുന്നു. ബിജെപിക്ക് 15% വോട്ട് വരെ കുറയും, കെ.മുരളീധരന്റെ വോട്ട് 15% കൂടുമെന്നും പ്രവചനം പറയുന്നു.
