കൊവിഡ് 19 രോഗത്തിന് വ്യാജ ചികിത്സ നടത്തിയ യുവതി പിടിയില്‍. എറണാകുളം ചേരാനല്ലൂര്‍ സംസം മന്‍സിലില്‍ ഹാജിറയാണ് അറസ്റ്റിലായത്. കൊവിഡ് രോഗിയാണെന്ന പറഞ്ഞെത്തിയ ആള്‍ക്ക് മന്ത്രിച്ച് ഊതിയ വെള്ളം നല്‍കി ചികിത്സിക്കുകയായിരുന്നു.
ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
ആലുവ സ്വദേശിയുടെ പരാതിയിലാണ് പൊലീസ് ഹാജിറയെ പിടികൂടിയത്. മാരക രോഗങ്ങള്‍ വരെ ചികിത്സിച്ച് ഭേദമാക്കുമെന്ന് അവകാശപ്പെട്ട ഹാജിറയുടെ സമീപം കൊവിഡ് രോഗിയാണെന്ന വ്യാജേനയെത്തിയാണ് ചികിത്സ തേടിയത്. മന്ത്രിച്ച് ഊതിയ വെള്ളം നല്‍കി. ഇതിന്റെ വീഡിയോ ഉള്‍പ്പെടെയാണ് പൊലീസിന് നല്‍കിയത്.
പൊലീസ് ചേരാനല്ലൂരിലെ വീട്ടിലെത്തി പരിശോധന നടത്തി.മന്ത്രവാദവും ഇവിടെ നടത്തുന്നതായി കണ്ടെത്തി. വ്യാജ ചികിത്സ നടത്തുന്നതിനുള്ള തെളിവുകള്‍ ലഭിച്ചതോടെയാണ് അറസ്റ്റ് ചെയ്തത്.
