![ബിഹാറില് വോട്ടെണ്ണല് വൈകുമെന്ന് തെരഞ്ഞെടുപ്പ് കമ്മീഷന്; അന്തിമഫലം രാത്രിയോടെ മാത്രം](http://cf-images.assettype.com/thecue%2F2020-11%2Fa899cbb8-0804-49a9-b714-db9ec78cc150%2Fbihar__2_.jpg?rect=80%2C0%2C1120%2C630&w=480&auto=format%2Ccompress&fit=max)
ബിഹാറില് വോട്ടെണ്ണല് വൈകുമെന്ന് തെരഞ്ഞെടുപ്പ് കമ്മീഷന്. കൊവിഡ് പ്രോട്ടോക്കോള് പാലിച്ചുകൊണ്ടാണ് വോട്ടെണ്ണല് നടക്കുന്നതെന്നതാണ് ഫലം വൈകാന് കാരണം. രാത്രിയോടെ മാത്രമേ അന്തിമഫലം ലഭ്യമാകൂ എന്നാണ് റിപ്പോര്ട്ട്.
ഇതുവരെ നാലിലൊന്ന് വോട്ടുകള് മാത്രമാണ് എണ്ണിയിരിക്കുന്നത്. നിലവിലെ ലീഡ് നിലയനുസരിച്ച് ആഹ്ലാദപ്രകടനം ആരംഭിച്ച പാര്ട്ടികള്ക്ക് തെരഞ്ഞെടുപ്പ് കമ്മീഷന് മുന്നറിയിപ്പ് നല്കിയിട്ടുണ്ട്. കൊവിഡിന്റെ പശ്ചാത്തലത്തില് വോട്ടെണ്ണല് കേന്ദ്രങ്ങളുടെ എണ്ണം വര്ധിപ്പിച്ചിട്ടുണ്ടെങ്കിലും അകലം പാലിക്കേണ്ടതുള്ളതിനാല് ടേബിളുകളുടെ എണ്ണം കുറവാണെന്ന് തിരഞ്ഞെടുപ്പ് കമ്മീഷന് വ്യക്തമാക്കി. നേരിയ ലീഡുകള് മാത്രമാണ് പല സീറ്റുകളിലുമുള്ളത്. അതുകൊണ്ട് തന്നെ നിലവിലെ ലീഡ് നിലയില് വലിയ മാറ്റങ്ങളുണ്ടായേക്കാം. നഗരമേഖലകളിലെ ഫലങ്ങളാണ് കൂടുതലും വന്നിരിക്കുന്നത്. ഗ്രാമീണ മേഖലയില് നിന്ന് വളരെ മന്ദഗതിയിലാണ് ഫലം പുറത്ത് വരുന്നത്.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
നിലവില് 126 സീറ്റുകളില് എന്ഡിഎ സഖ്യമാണ് ലീഡ് ചെയ്യുന്നത്. മഹാസഖ്യത്തിന് 105 സീറ്റുകളില് ലീഡുണ്ട്. 243 അംഗ സഭയില് കേവലഭൂരിപക്ഷത്തിന് 122 സീറ്റുകള് വേണം.