നടിയെ അക്രമിച്ച കേസില്‍ നടന്‍ ദിലീപിനെതിരെ കൃത്യമായ തെളിവുകളുണ്ടെന്ന് അന്വേഷണ ഉദ്യോഗസ്ഥനായിരുന്ന എ.വി ജോര്‍ജ്. തെളിവുള്ളത് കൊണ്ടാണ് അറസ്റ്റ് ചെയ്തത്. ബാലചന്ദ്രകുമാറിനെ തനിക്ക് നേരിട്ട് പരിചയമില്ലെന്നും എ.വി ജോര്‍ജ് ന്യൂസ് 18നോട് പറഞ്ഞു.
രാഷ്ട്രീയക്കാരില്‍ നിന്നോ സര്‍ക്കാരില്‍ നിന്നോ അന്വേഷണ സംഘത്തിന് മേല്‍ സമ്മര്‍ദ്ദമുണ്ടായിരുന്നില്ല. സ്വതന്ത്രമായിട്ടായിരുന്നു അന്വേഷണം. ദിലീപിനെ അറസ്റ്റ് ചെയ്യുന്നതിന് മുമ്പോ ശേഷമോ സമ്മര്‍ദ്ദമുണ്ടായിട്ടില്ല. സിനിമ മേഖലയില്‍ നിന്നുള്ള ഒരാള്‍ കേസില്‍ ഉള്‍പ്പെട്ട് അറസ്റ്റിലായാലുള്ള കാര്യങ്ങള്‍ ഊഹിക്കാവുന്നതല്ലേയെന്നും എ.വി ജോര്‍ജ് പറഞ്ഞു.
ബാലചന്ദ്രകുമാറിന്റെ വെളിപ്പെടുത്തലുമായി ബന്ധപ്പെട്ടുള്ള കാര്യങ്ങള്‍ ഇപ്പോള്‍ പറയാന്‍ കഴിയില്ല. ബാലചന്ദ്രകുമാര്‍ കൊടുത്ത തെളിവുകള്‍ എന്താണെന്ന് തനിക്ക് അറിയില്ലെന്നും എ.വി ജോര്‍ജ് വ്യക്തമാക്കി.
