ന്യൂദല്‍ഹി: കര്‍ഷക പ്രക്ഷോഭവുമായി ബന്ധപ്പെട്ട് ബിജെപിയില്‍ നിന്ന് പുറത്തുപോയ ശിരോമണി അകാലി ദള്‍ പഞ്ചാബില്‍ ബിഎസ്പിയുമായി സഖ്യമുണ്ടാക്കി. അടുത്തവര്‍ഷം പഞ്ചാബ് തെരഞ്ഞെടുപ്പ് നടക്കാനിരിക്കെയാണ് പഞ്ചാബ് വീണ്ടും പിടിച്ചെടുക്കാന്‍ അകാലി ദള്‍ മുന്നൊരുക്കങ്ങള്‍ ശക്തിപ്പെടുത്തുന്നത്.
117 സീറ്റുകളാണ് പഞ്ചാബില്‍ ഉള്ളത്.ഇതില്‍ 97 സീറ്റുകളില്‍ അകാലിദളും 20 സീറ്റില്‍ ബിഎസ്പിയും മത്സരിക്കാനാണ് സാധ്യത. നേരത്തെ ബിജെപിക്ക് നല്‍കിയിരുന്ന സീറ്റുകളിലാണ് ബിഎസ്പി മത്സരിക്കുക. സുഖ്ബീര്‍ സിംഗ് ബാദലാണ് തെരഞ്ഞെടുപ്പിനെ നയിക്കുന്നത്.
27 വര്‍ഷങ്ങള്‍ക്ക് ശേഷമാണ് പഞ്ചാബില്‍ അകാലി ദളും ബിഎസ്പിയും ഒന്നിച്ച് മത്സരിക്കുന്നത്. 1996ല്‍ നടന്ന ലോക്‌സഭാ തെരഞ്ഞെടുപ്പിലാണ് ഇരുപാര്‍ട്ടികളും ഒരുമിച്ച് മത്സരിച്ചത്. പഞ്ചാബില്‍ 31 ശതമാനം ദളിത് വോട്ടുകള്‍ ബിജെപിക്കുണ്ട്.
