മൂന്ന് പതിറ്റാണ്ടായി യുഎഇയില്‍ പ്രവർത്തിച്ചുവരുന്ന അല്‍ ഹാജീസ് പെർഫ്യൂംസ് മാലിദ്വീപ് ഫ്രാഞ്ചൈസിയുമായി കരാറില്‍ ഒപ്പുവച്ചു.യുഎഇയില്‍ ആരംഭിച്ച ഹാജീസ് പെർഫ്യൂമിന് നിലവില്‍ ഒമാനിലും ബഹ്റൈനിലുമായി 42 ഔട്ട്ലൈറ്റുകളുണ്ട്.
ജിസിസിക്ക് പുറത്തേക്കുളള കമ്പനിയുടെ ചുവടുവയ്പ് ഏറെ നിർണായകമാണെന്ന് ഫൗണ്ടർ മൊയ്തീന്‍ കുട്ടി പറഞ്ഞു. ഗുണനിലവാരം അതിരുകള്‍ക്കപ്പുറത്താണെന്നതാണ് കമ്പനിയുടെ വിശ്വാസമെന്നും ആ വിശ്വാസത്തെ വിപുലീകരണം ശക്തിപ്പെടുത്തുന്നുവെന്നും എക്സിക്യൂട്ടീവ് ഡയറക്ടർ ആദില്‍ മൊയ്തീന്‍ പറഞ്ഞു.
മൊയ്തീന്‍ കുട്ടിയാണ് ഹാജീസ് പെർഫ്യൂംസിന്‍റെ സ്ഥാപകന്‍. ആഢംബര സുഗന്ധങ്ങളില്‍ ഏറെ പ്രശസ്തമാണ് അല്‍ ഹാജീസ് പെർഫ്യൂംസ്. ഓപ്പറേഷന്‍സ് മാനേജർ അഷ്ഫക് മുഹമ്മദ്, സെയില്‍സ് മാനേജർ റനീഷ് മുഹമ്മദ്, മാലിദ്വീപ് പ്രതിനിധികളായ അഹമ്മദ്, ഫവാസ് എന്നിവരും വാർത്താസമ്മേളത്തില്‍ സംബന്ധിച്ചു.
