കൊവിഡ് കാലത്തും അഭിനേത്രിമാരുടെ പുതിയ ഫോട്ടോഷൂട്ടിനും വീഡിയോക്കും കമന്റ് ബോക്‌സില്‍ സൈബര്‍ ബുള്ളിയിംഗും സദാചാര ക്ലാസും കുറഞ്ഞിട്ടില്ല. മോഡേണ്‍ ലുക്കില്‍ ഫോട്ടോ ഷൂട്ടോ വീഡിയോയോ ഫേസ്ബുക്കിലോ ഇന്‍സ്റ്റഗ്രാമിലോ പങ്കുവച്ചാല്‍ 'സദാചാര' ക്ലാസെടുക്കാനും വ്യക്തിഹത്യ നടത്താനും ഇറങ്ങുന്ന പട തന്നെ കാണും കമന്റ് ബോക്‌സില്‍.
ഗൃഹലക്ഷ്മിക്കായി നടത്തിയ പുതിയ ഫോട്ടോഷൂട്ടിന് കമന്റ് ബോക്‌സില്‍ അധിക്ഷേപം നടത്തിയവരെ പൊളിച്ചടുക്കിയിരിക്കുകയാണ് നടി സനുഷ സന്തോഷ്. കഴിഞ്ഞ ദിവസം പങ്കുവച്ച ഫോട്ടോക്ക് കീഴിലുണ്ടായ തെറി കമന്റുകളെ പരാമര്‍ശിച്ചാണ് സനുഷയുടെ പുതിയ പോസ്റ്റ്.
സനുഷ സന്തോഷിന്റെ ഫേസ്ബുക്ക് കുറിപ്പ്
സിനിമ ഇല്ലാത്തതിനാൽ തുണിയൂരി അല്ലെങ്കിൽ തുണിയുടെ അളവ് കുറച്ചും എന്നൊക്കെയുള്ള comments ബോറടിച്ചു എന്നും കൂടുതൽ interesting മറുപടികൾ തരാൻ പറ്റിയ, വൃത്തികേടുകൾ വിളിച്ച് പറയാത്തതുമായ comments പ്രതീക്ഷിച്ച് കൊള്ളുന്നുവെന്നും അറിയിച്ച്കൊണ്ട്, - സസ്സ്‌നേഹം സനുഷ സന്തോഷ്
< ആരംഭിച്ചുകൊള്ളൂ മ്ം !