അഖില്‍ പോള്‍,അനസ് ഖാന്‍ എന്നിവര്‍ ചേര്‍ന്ന് രചനയും സംവിധാനവും നിര്‍വഹിക്കുന്ന ഫോറന്‍സിക് ആണ് ടൊവിനോ തോമസ് നായകനാകുന്ന അടുത്ത സിനിമ. ചിത്രീകരണത്തിന് മുന്നോടിയായി കഥാപാത്രത്തിനായുള്ള തയ്യാറെടുപ്പിലാണ് ടൊവിനോ. ത്രില്ലര്‍ ഗണത്തിലുള്ള സിനിമയില്‍ ഫോറന്‍സിക് ഉദ്യോഗസ്ഥനായാണ് ടൊവിനോ തോമസ് അഭിനയിക്കുന്നത്. ഫോറന്‍സിക്കിന്റെ തയ്യാറെടുപ്പുകളുടെ ഭാഗമായി ടൊവിനോ തിരുവനന്തപുരത്തെ പോലീസ് ആസ്ഥാനത്തുള്ള ഫോറന്‍സിക്ക് ലാബും, രാജീവ് ഗാന്ധി ഇന്‍സ്റ്റിറ്റൂട്ടിലെ ഫോറന്‍സിക്ക് റിസേര്‍ച്ച് സെന്ററും താരം സന്ദര്‍ശിച്ചു.
സെവന്‍ത് ഡേ എന്ന ത്രില്ലറിന്റെ തിരക്കഥകൃത്തായിരുന്ന അഖില്‍ പോള്‍ സുഹൃത്ത് അനസ് ഖാനൊപ്പം ചേര്‍ന്ന് രചന നിര്‍വഹിക്കുന്ന സിനിമയുമാണ് ഫോറന്‍സിക്. മംമ്ത മോഹന്‍ദാസാണ് നായിക. ഒക്ടോബറില്‍ ഷൂട്ടിംഗ് ആരംഭിക്കുന്ന ഫോറന്‍സിക്ക് സിജു മാത്യൂ നേവിസ് സേവ്യര്‍ എന്നിവരുടെ ജുവിസ് പ്രൊഡ്കഷന്‍സും , രാജു മല്ല്യത്തിന്റെ രാഗം മൂവീസും ചേര്‍ന്നണു നിര്‍മിക്കുന്നത്. ചിത്രം സെഞ്ചുറി തിയേറ്ററില്‍ എത്തിക്കും.
‘ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
എടക്കാട് ബറ്റാലിയന്‍ ആണ് ടൊവിനോ തോമസിന്റെ പുറത്തിറങ്ങാനിരിക്കുന്ന സിനിമ. കമ്മട്ടിപ്പാടത്തിന് ശേഷം പി ബാലചന്ദ്രന്‍ തിരക്കഥയെഴുതുന്ന ചിത്രം കൂടിയാണ് എടക്കാട് ബറ്റാലിയന്‍. സ്വപ്‌നേഷ് നായര്‍ ആണ് സംവിധാനം. റുബീ ഫിലിംസും കാര്‍ണിവല്‍ മോഷന്‍ പിക്‌ചേഴ്‌സും ചേര്‍ന്നാണ് നിര്‍മ്മാണം. കൈലാസ് മേനോന്‍ സംഗീത സംവിധാനം നിര്‍വഹിക്കുന്നു.