Film News

ഇല്ല്യുമിനാറ്റി പാട്ടിന് വിജയ് പടം റെഫറൻസ്, വൈറൽ പാട്ടുകളെക്കാൾ പ്രയാസമാണ് 'ചെരാതുകൾ' പോലെയുള്ള ​ഗാനങ്ങളുണ്ടാക്കാനെന്ന് സുഷിൻ ശ്യാം

കൊമേഷ്യൽ ​ഗാനങ്ങൾ ചെയ്യുന്നതിനെക്കാൾ വെല്ലുവിളി നിറഞ്ഞതാണ് മനുഷ്യരുമായി ആഴത്തിൽ ബന്ധിപ്പിക്കുന്ന ​ഗാനങ്ങളുണ്ടാക്കാനെന്ന് സം​ഗീതസംവിധായകൻ സുഷിൻ ശ്യാം. പാട്ടുകൾ എപ്പോഴും സിനിമയുടെ ഒരു മാർക്കറ്റിം​ഗ് ടൂളാണ് എന്നതുകൊണ്ട് തന്നെ വൈറലാകാൻ വേണ്ടി പാട്ടുകളുണ്ടാക്കാറുണ്ടെന്നും സുഷിൻ പറയുന്നു. വിജയ് പടം റെഫറൻസിലാണ് ഇല്ല്യുമിനാറ്റി എന്ന ​ഗാനം ചെയ്യാൻ താനും ജീതു മാധവനും തീരുമാനിച്ചതെന്നും അത്തരത്തിലുള്ള പാട്ടുകളാണ് താരതമ്യേന ഉണ്ടാക്കാൻ തനിക്ക് എളുപ്പമെന്നും സുഷിൻ പറയുന്നു. എന്നാൽ മനുഷ്യരുമായി ആഴത്തിൽ ബന്ധപ്പിക്കാൻ സാധിക്കുന്ന ചെരാതുകൾ, തീരമേ തുടങ്ങിയ ​ഗാനങ്ങളുടെ നിർമാണത്തിലാണ് തനിക്ക് ഏറെ വെല്ലുവിളി നേരിടേണ്ടി വരാറുള്ളതെന്നും സില്ലി മോങ്ക്സ് മീഡിയയ്ക്ക് നൽകിയ അഭിമുഖത്തിൽ സുഷിൻ വ്യക്തമാക്കി.

സുഷിൻ ശ്യാം പറഞ്ഞത്:

സിനിമയുടെ ഏറ്റവും വലിയ ഒരു മാർക്കറ്റിം​ഗ് ടൂൾ ആണ് പാട്ട്. ഇല്ല്യൂമിനാറ്റി ഉറപ്പായിട്ടും ഒരു വൈറൽ സോങ്ങ് ഉണ്ടാക്കണം എന്ന തരത്തിൽ ഉണ്ടാക്കിയ പാട്ടാണ്. ആ രീതിയിൽ തന്നെയാണ് അത് കമ്പോസ് ചെയ്യുന്നത്. ഇല്ല്യുമിനാറ്റി എന്ന പാട്ടിൽ സത്യം പറഞ്ഞാൽ വേറെയൊന്നുമില്ല. ആ പാട്ടിന്റെ സെക്കന്റ് ഹാഫിലാണ് സിനിമയിലെ അമ്മ സെന്റിമെൻസ് ഒക്കെ കടന്നു വരുന്നതു പോലും. വിജയ് പടം റെഫറൻസിലാണ് ഞാനും ജീതുവും അതിനെക്കുറിച്ച് സംസാരിച്ചത്. അത് പക്ഷേ അത്ര വെല്ലുവിളി നിറഞ്ഞ കാര്യമൊന്നുമായിരുന്നില്ല. കൂടുതൽ വെല്ലുവിളി നേരിടുന്നത് ആളുകൾക്ക് വ്യക്തിപരമായി വളരെ കണ്കടാവുന്ന പാട്ടുകൾ ഉണ്ടാക്കുന്നതാണ്. ഇല്ല്യുമിനാറ്റി ഇനിയിപ്പോൾ ആളുകൾ കേൾ‌ക്കണം എന്നില്ല. അതിന്റെ ഒരു ട്രെന്റ് കഴിഞ്ഞു. എന്നാൽ കുറച്ചു കൂടി ആഴത്തിൽ ആളുകൾക്ക് എപ്പോഴും കൊണ്ടു നടക്കാൻ സാധിക്കുന്ന ചെരാതുകൾ, തീരമേ തുടങ്ങിയ പാട്ടുകൾ ഉണ്ടക്കാനാണ് പാട്. ബോ​ഗയ്ൻവില്ലയിൽ അത്തരത്തിൽ രണ്ട് തരത്തിലുമുള്ള പാട്ടുകൾ ഉണ്ട്. സ്തുതി എന്ന ​ഗാനം കുറച്ചു കൂടി പ്രമോ ട്രാക്ക് ആണ്. പെട്ടെന്ന് ഹിറ്റാവണം, ആളുകൾ‌ റീൽ ഉണ്ടാക്കണം അങ്ങനെ ചെയ്ത പ്രമോഷണൽ മെറ്റീരിയൽ ആണ് അത്. എന്നാൽ മറവികളെ എന്ന ​ഗാനം കുറച്ചു കൂടി സിനിമയുമായി ചേർന്ന് നിൽക്കുന്ന ​ഗാനമാണ്. ഭീഷ്മയിലും അത് അങ്ങനെ തന്നെയാണ്. ആകാശം പോലെ എന്ന ​ഗാനം മറ്റൊരു തലത്തിൽ നിൽക്കുന്നതാണ്. പറുദീസ കുറച്ചു കൂടി ഒരു കൊമേഴ്ഷ്യൽ തലത്തിൽ നിൽക്കുന്നതാണ്.

ബഷീര്‍ മ്യൂസിയം സാംസ്‌കാരിക കേരളത്തിന്റെ കടപ്പാട്: അടൂര്‍ ഗോപാലകൃഷ്ണന്‍

'മുടിയുടെയും ശരീരഘടനയുടെയും പേരിൽ പലരും വിമർശിച്ചിട്ടുണ്ട്, അതിൽ വേദന തോന്നിയിട്ടുമുണ്ട്'; നിത്യ മേനോൻ

'അമ്പത് വർഷത്തോളമായി സിനിമയിൽ അഭിനയിക്കുന്ന ആളാണ് ഞാൻ, എന്റെ ഈ മൂന്ന് ചിത്രങ്ങൾ റീസ്റ്റോർ ചെയ്യണമെന്ന് എനിക്ക് ആ​ഗ്രഹമുണ്ട്'; മോഹൻലാൽ

'ഒരു ഉദ്യോഗസ്ഥനും ഇത്തരത്തിലുള്ള ദുരന്തം ഉണ്ടാവാന്‍ പാടില്ല'; എഡിഎം നവീന്‍ ബാബുവിന്റെ മരണത്തില്‍ മുഖ്യമന്ത്രി പറഞ്ഞത്

'സഹസംവിധായകനായത് ആ നടനെ കോപ്പിയടിക്കാൻ, 'ത​ഗ് ലൈഫി'ൽ കമൽ ഹാസനൊപ്പമുള്ള അവസരം നഷ്ടപ്പെട്ടതിൽ വിഷമമുണ്ട്; ജയം രവി

SCROLL FOR NEXT