ഡോൺ പാലത്തറ സംവിധാനം ചെയ്ത സന്തോഷത്തിന്റെ ഒന്നാം രഹസ്യം ഫെബ്രുവരി 14ന് ഐഎഫ്എഫ്കെയിൽ പ്രദർശിപ്പിക്കും. ഒരു കാറിൽ ഒറ്റ ഷോട്ടിൽ ചിത്രീകരിച്ചിരിക്കുന്ന 'ചിത്രം മലയാളം സിനിമ ഇന്ന് വിഭാഗത്തിലാണ് പ്രദർശിപ്പിക്കുന്നത്. പ്രദർശനാനന്തരം സംവിധായകൻ ഡോൺ പാലത്തറ പ്രേക്ഷകരുമായി സംവദിക്കും. റിമ കല്ലിങ്കൽ, ജിതിൻ പുത്തഞ്ചേരി എന്നിവരാണ് സിനിമയിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ജിതിൻ പുത്തഞ്ചേരി, ഗാനരചയിതാവ് ഷെറിൻ കാതറിൻ എന്നിവർ പ്രദർശനത്തിൽ പങ്കെടുക്കും. ഫെബ്രുവരി 14 ന് കലാഭവനിൽ വൈകിട്ട് 4. 15 നാണ് സിനിമയുടെ പ്രദർശനം.

ബീ കേവ് മൂവീസിന്റെ ബാനറിൽ ഷിജോ കേ ജോർജ്ജ് ആണു സിനിമ നിർമ്മിച്ചിരിക്കുന്നത്. ഡോൺ പാലത്തറയുടെ രണ്ട് സിനിമകളാണ് ഇത്തവണത്തെ ഐഎഫ്എഫ്കെയിൽ തിരഞ്ഞെടുക്കപ്പെട്ടത്. കാലിഡോസ്കോപ്പ് വിഭാഗത്തിൽ '1956 മധ്യതിരുവിതാംകൂർ' എന്ന സിനിമയും പ്രദർശിപ്പിച്ചിരുന്നു. ഐ. എഫ്‌. എഫ്. കെ യെയിൽ ഒരു സംവിധായകന്റെ രണ്ട് ചിത്രങ്ങൾ ചലച്ചിത്രമേളയിൽ പ്രദർശിപ്പിക്കുന്നത് വിരളമാണ്.

മോസ്കോ അന്താരാഷ്ട്ര ചലച്ചിത്രമേള, സ്പെയിനിൽ നടക്കുന്ന ഇൻഡീ ഇൻഡ്യ എന്നീ പ്രദർശനങ്ങൾക്ക് ശേഷമാണ് ഐ. എഫ്‌. എഫ്. കെ യെ കേരളത്തിൽ പ്രദർശനത്തിനെത്തുന്നത്.