കേരളത്തിന് പുറമെ അന്യസംസ്ഥാനങ്ങളിലും ടൊവിനോ ചിത്രം ARM ന്റെ ബോക്‌സ് ഓഫീസ് തേരോട്ടം. ചിത്രത്തെക്കുറിച്ച് അജിത് പുല്ലേരി ഫേസ്ബുക്കില്‍ പങ്കുവെച്ച പോസ്റ്റ് സമൂഹമാധ്യമങ്ങളില്‍ വൈറലാവുകയാണ്. രാജസ്ഥാനിലെ ജയ്‌സാല്‍മീരില്‍ ഉള്ള ഒരേ ഒരു തിയറ്ററില്‍ നിറഞ്ഞ സദസ്സില്‍ പ്രദര്‍ശനം തുടരുന്ന ARMനെ കുറിച്ചാണ് കുറിപ്പ്. ചിത്രത്തിലെ അഭിനേതാക്കളെ അവിടെയുള്ളവര്‍ക്ക് അറിയാമെന്നും ചിത്രത്തിന്റെ ഹിന്ദി വേര്‍ഷന്‍ ഹൗസ്ഫുള്ളായി പ്രദര്‍ശിപ്പിക്കുന്നുണ്ട് എന്നും പോസ്റ്റില്‍ പറയുന്നു. കേരളത്തിന് പുറമെ ചിത്രത്തിന് കിട്ടിയ പാന്‍ ഇന്ത്യന്‍ സ്വീകാര്യതയാണ് പോസ്റ്റില്‍ നിന്ന് വ്യക്തമാകുന്നത്. രാജ്യത്ത് സിനിമ 87 കോടിയോളം രൂപ കളക്റ്റ് ചെയ്തുവെന്നാണ് റിപ്പോര്‍ട്ട്.
ടൊവിനോ തോമസ് ട്രിപ്പിള്‍ റോളിലെത്തുന്ന ARM ഒരു പാന്‍ ഇന്ത്യന്‍ ചിത്രമായിട്ടാണ് തിയറ്ററുകളിലെത്തിയത്. ഏറെ കാലത്തിനു ശേഷം മലയാളത്തില്‍ റിലീസാവുന്ന 3 ഡി സിനിമ എന്ന പ്രത്യേകതയും ചിത്രത്തിനുണ്ട്. ആക്ഷന് പ്രാധാന്യമുള്ള ചിത്രത്തില്‍ മൂന്ന് തലമുറകളുടെ കഥയാണ് പറയുന്നത്. കൃതി ഷെട്ടി, ഐശ്വര്യ രാജേഷ്, സുരഭി ലക്ഷ്മി എന്നിവരാണ് ചിത്രത്തിലെ നായികമാര്‍. മാജിക്ക് ഫ്രെയിംസ്, യു.ജി.എം മോഷന്‍ പിക്ചേഴ്സ് എന്നീ ബാനറുകളില്‍ ലിസ്റ്റിന്‍ സ്റ്റീഫന്‍, ഡോ. സക്കറിയ തോമസ് എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
മലയാളം, ഹിന്ദി, ഇംഗ്ലീഷ്, തമിഴ്, തെലുങ്ക്, കന്നഡ എന്നിങ്ങനെ ആറു ഭാഷകളിലാണ് ചിത്രം തിയറ്ററുകളിലെത്തിയത്. തെലുങ്ക് ചിത്രങ്ങളിലൂടെ പ്രസിദ്ധി നേടിയ കൃതി ഷെട്ടിയുടെ ആദ്യ മലയാളം സിനിമയാണ് 'ARM'. ബേസില്‍ ജോസഫ്, ജഗദീഷ്, ഹരീഷ് ഉത്തമന്‍, ഹരീഷ് പേരടി, പ്രമോദ് ഷെട്ടി, രോഹിണി എന്നിവരും ചിത്രത്തില്‍ പ്രധാന വേഷങ്ങളില്‍ എത്തുന്നു. സുജിത് നമ്പ്യാരാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. തമിഴില്‍ ചിത്ത, കന തുടങ്ങിയ ചിത്രങ്ങള്‍ക്ക് ഗാനങ്ങളൊരുക്കിയ ദിബു നൈനാന്‍ തോമസാണ് ചിത്രത്തിന്റെ സംഗീത സംവിധാനം നിര്‍വഹിച്ചിരിക്കുന്നത്. ഛായാഗ്രഹണം ജോമോന്‍ ടി. ജോണ്‍. എഡിറ്റിംഗ് -ഷമീര്‍ മുഹമ്മദ്
കോ പ്രൊഡ്യൂസര്‍ - ജസ്റ്റിന്‍ സ്റ്റീഫന്‍, എക്‌സിക്യൂട്ടീവ് പ്രൊഡ്യൂസര്‍: നവീന്‍ പി തോമസ്, പ്രിന്‍സ് പോള്‍, അഡീഷണല്‍ സ്‌ക്രീന്‍ പ്ലേ - ദീപു പ്രദീപ്, പ്രോജക്ട് ഡിസൈന്‍: എന്‍.എം. ബാദുഷ, ലൈന്‍ പ്രൊഡ്യൂസര്‍ സന്തോഷ് കൃഷ്ണന്‍, പ്രൊഡക്ഷന്‍ കണ്‍ട്രോളര്‍: പ്രിന്‍സ് റാഫേല്‍, ഹര്‍ഷന്‍ പട്ടാഴി, ഫിനാന്‍സ് കണ്‍ട്രോളര്‍: ഷിജോ ഡൊമിനിക്, പ്രൊഡക്ഷന്‍ ഡിസൈന്‍: ഗോകുല്‍ ദാസ്, മേക്കപ്പ് ആന്‍ഡ് ഹെയര്‍: റോണക്‌സ് സേവ്യര്‍, കോസ്റ്റ്യൂം ഡിസൈന്‍: പ്രവീണ്‍ വര്‍മ്മ, സ്റ്റണ്ട്: വിക്രം മോര്‍, ഫീനിക്‌സ് പ്രഭു, അഡീഷണല്‍ സ്റ്റണ്ട്‌സ് സ്റ്റന്നര്‍ സാം ആന്‍ഡ് പി സി.