നിഥിന്‍ രഞ്ജി പണിക്കര്‍ സംവിധാനം ചെയ്യുന്ന ചിത്രം കാവലിലെ ഗെറ്റപ്പ് എന്ന പേരില്‍ സോള്‍ട്ട് ആന്റ് പെപ്പര്‍ ലുക്കിലുള്ള സുരേഷ് ഗോപിയുടെ ചിത്രം സമൂഹമാധ്യങ്ങളിലുള്‍പ്പടെ പ്രചരിച്ചിരുന്നു. എന്നാല്‍ ഈ ഫോട്ടാകള്‍ക്കും ഡിസൈനുകള്‍ക്കും ചിത്രീകരണം കഴിഞ്ഞതോ പ്രഖ്യാപിച്ചിട്ടുള്ളതോ ആയ തന്റെ സിനിമകളുമായി യാതൊരു ബന്ധവുമില്ലെന്ന് വ്യക്തമാക്കിയിരിക്കുകയാണ് സുരേഷ് ഗോപി ഇപ്പോള്‍.
ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
എല്ലാ ആരാധകരും മാധ്യമങ്ങളും തെറ്റായ വിവരങ്ങളോടെ ഈ ചിത്രങ്ങള്‍ പങ്കിടുന്നത് ഒഴിവാക്കണമെന്നും സുരേഷ് ഗോപി പറയുന്നുണ്ട്. വ്യക്തമായ വിവരങ്ങളില്ലാതെ എന്തെങ്കിലുമൊക്കെ പോസ്റ്റ് ചെയ്യുന്നതും, പ്രചരിപ്പിക്കുന്നതും ന്യായീകരിക്കാനാകാത്ത കാര്യമാണെന്നും ഫെയ്‌സ്ബുക്ക് പോസ്റ്റില്‍ സുരേഷ് ഗോപി പറയുന്നു.
ഫെയ്‌സ്ബുക്ക് പോസ്റ്റിന്റെ പൂര്‍ണരൂപം:
നിലവിലെ എന്റെ അപ്പിയറന്‍സിലുള്ള ഫോട്ടോകള്‍ക്കും ഡിസൈനുകള്‍ക്കും, ചിത്രീകരണം കഴിഞ്ഞതോ പ്രഖ്യാപിച്ചിട്ടുള്ളതോ ആയ എന്റെ സിനിമകളുമായി യാതൊരു ബന്ധവുമില്ല. എല്ലാ ആരാധകരും മാധ്യമങ്ങളും മറ്റുള്ളവരും തെറ്റായ വിവരങ്ങളോടെ ഈ ചിത്രങ്ങള്‍ പങ്കിടുന്നത് ഒഴിവാക്കണമെന്ന് അഭ്യര്‍ത്ഥിക്കുകയാണ്. വ്യക്തമായ വിവരങ്ങളില്ലാതെ എന്തെങ്കിലുമൊക്കെ പോസ്റ്റ് ചെയ്യുന്നതും, പ്രചരിപ്പിക്കുന്നതും ന്യായീകരിക്കാനാകാത്ത കാര്യമാണ്.
മാത്യൂസ് തോമസ് സംവിധാനം ചെയ്ത എന്റെ 250-ാമത്തെ ചിത്രത്തിന്റെ ഫോട്ടോഷൂട്ടുകള്‍ വരെ മാത്രമെ ഈ ഗെറ്റപ്പ് ഉണ്ടാകൂ. അതിന് ശേഷം ഇത് മാറ്റുകയും കാവലിന്റെ ഷൂട്ടിങ് പൂര്‍ത്തിയാക്കുകയും ചെയ്യും.