മലയാള സിനിമ മികവിലും അഭിനേതാക്കളുടെ പ്രകടനത്തിലും മുമ്പും ഇന്ത്യയിലെ ഇതരഭാഷാ ചലച്ചിത്ര പ്രവര്‍ത്തകരെ വിസ്മയിപ്പിച്ചിട്ടുണ്ട്. അങ്കമാലി ഡയറീസിനെ വാഴ്ത്തി അനുരാഗ് കശ്യപും, തൊണ്ടിമുതലും അമ്പരപ്പിച്ചെന്ന് അറിയിച്ച് സുരേഷ് ത്രിവേണിയും വന്നത് മലയാള സിനിമ പിന്നെയും മറുഭാഷയിലും ശ്രദ്ധിക്കപ്പെടുന്നുണ്ടെന്നതിന്റെ സൂചനയായിരുന്നു. ഇപ്പോഴിതാ ഫഹദ് ഫാസിലിന്റെ അഭിനയത്തെ വാഴ്ത്തി ബോളിവുഡിലെ സൂപ്പര്‍ ഹിറ്റ് സംവിധായകന്‍. ആമിര്‍ ഖാന്‍ നായകനായ ദങ്കല്‍ ഒരുക്കിയ നിതീഷ് തിവാരിയാണ് ഫഹദ് ഫാസില്‍ അഭിനയം കൊണ്ട് ആരാധകനാക്കിയെന്ന് പറഞ്ഞിരിക്കുന്നത്
കുമ്പളങ്ങി നൈറ്റ്‌സ്, മഹേഷിന്റെ പ്രതികാരം, സൂപ്പര്‍ ഡീലക്‌സ്, ഞാന്‍ പ്രകാശന്‍. ഏത് റോളിലും ഫഹദ് ഫാസില്‍ അതിഗംഭീര പ്രകടനമാണ്. അദ്ദേഹത്തെ കണ്ടെത്താന്‍ അല്‍പ്പം വൈകിയെങ്കിലും കടുത്ത ആരാധകനാക്കിക്കളഞ്ഞു. ഇനിയും അതിശയിപ്പിക്കുന്ന പ്രകടനങ്ങളുമായി രസിപ്പിക്കൂ ബ്രദര്‍.നിധീഷ് തിവാരി
നിധീഷ് തിവാരിയുടെ ട്വീറ്റിന് പിന്നാലെ ഫഹദ് ഫാസില്‍ അഭിനയിച്ച മറ്റ് സിനിമകള്‍ കൂടെ കാണണമെന്ന മറുപടി ട്വീറ്റുകളും പെരുകുന്നുണ്ട്. തൊണ്ടിമുതലും ദൃക്‌സാക്ഷിയും അന്നയും റസൂലും, ഇയ്യോബിന്റെ പുസ്തകം, ടേക്ക് ഓഫ്, 22 ഫിമെയില്‍ കോട്ടയം എന്നീ ഫഹദ് ചിത്രങ്ങള്‍ കൂടെ കാണണമെന്ന ആവശ്യത്തിനും നിധീഷ് തിവാരി മറുപടി നല്‍കിയിട്ടുണ്ട്. നന്ദി, ഈ സിനിമകള്‍ ഉടന്‍ കാണാന്‍ ശ്രമിക്കാമെന്നാണ് നിധീഷിന്റെ മറുപടി.
തൊണ്ടിമുതലും ദൃക്‌സാക്ഷിയും എന്ന സിനിമ നിധീഷ് തിവാരി വിട്ടുപോയതിലാണ് കൂടുതല്‍ പേര്‍ക്കും നിരാശ. മറുപടി ട്വീറ്റുകളില്‍ കൂടുതലും ഈ സിനിമ കാണണമെന്ന അഭ്യര്‍ത്ഥനയാണ്
തൊണ്ടിമുതലും ദൃക്‌സാക്ഷിയും എന്ന സിനിമ നിധീഷ് തിവാരി വിട്ടുപോയതിലാണ് കൂടുതല്‍ പേര്‍ക്കും നിരാശ. മറുപടി ട്വീറ്റുകളില്‍ കൂടുതലും ഈ സിനിമ കാണണമെന്ന അഭ്യര്‍ത്ഥനയാണ്. സല്‍മാന്‍ ഖാന്‍ നിര്‍മ്മിച്ച ചില്ലര്‍ പാര്‍ട്ടിയാണ് നിധീഷ് തിവാരിയുടെ ആദ്യ സിനിമ. ഈ ചിത്രത്തിന് ദേശീയ അവാര്‍ഡ് ലഭിച്ചിരുന്നു. ഭൂത് നാഥ് റിട്ടേണ്‍സ് എന്ന പൊളിറ്റിക്കല്‍ കോമഡി സിനിമ പിന്നീട് ചെയ്‌തെങ്കിലും വലിയ വിജയമായില്ല. ആഗോള ബോക്‌സ് ഓഫീസില്‍ രണ്ടായിരം കോടി പിന്നിട്ട ദങ്കല്‍ എന്ന സിനിമയാണ് പിന്നീട് നിധീഷ് തിവാരി ഒരുക്കിയത്. നിധീഷിന്റെ ഭാര്യ അശ്വനി അയ്യര്‍ തിവാരി ഹിന്ദിയിലും തമിഴിലും ശ്രദ്ധേയ സിനിമകളൊരുക്കിയ സംവിധായിക ആണ്. നില്‍ ബട്ടേ സനാട്ട, അമ്മാ കണക്ക്, ബര്‍ലി കി ബര്‍ഫീ എന്നീ ശ്രദ്ധേയ സിനിമകള്‍ അശ്വിനിയുടേതാണ്.
THE CUE YOUTUBE CHANNEL
സ്ഫടികത്തിന്റെ രചയിതാവും സംവിധായകനുമായ ഭദ്രന്‍ പറയുന്നു, സ്ഫടികത്തിന് പ്രചോദനമായ അധ്യാപകന്റെ കഥ WATCH VIDEO
അന്‍വര്‍ റഷീദിന്റെ ട്രാന്‍സ് ആണ് ഫഹദ് ഫാസിലിന്റെ ഇനി പുറത്തിറങ്ങാനുള്ള സിനിമ. സജീവ് പാഴൂര്‍ രചന നിര്‍വഹിച്ച് ദിലീഷ് പോത്തന്‍ സംവിധാനം ചെയ്ത തൊണ്ടിമുതലും ദൃക്‌സാക്ഷിയും എന്ന ചിത്രത്തിന് ഫഹദിന് ദേശീയ പുരസ്‌കാരം ലഭിച്ചിരുന്നു.