ആഗോള ഗ്രാമമെന്ന് വിശേഷിപ്പിക്കപ്പെടുന്ന ദുബായ് ഗ്ലോബല്‍ വില്ലേജിന്‍റെ ഏറ്റവും പുതിയ സീസണായുളള കിയോസ്കുകള്‍,റീടെയ്ല്‍ ഷോപ്പുകള്‍, അതിഥി സേവനങ്ങള്‍ ട്രോളികള്‍ തുടങ്ങിയ വിഭാഗങ്ങളിലേക്ക് രജിസ്ട്രേഷന്‍ തുടരുകയാണ്. വ്യാപാര സംരംഭം ലോകത്തെ ഏല്ലായിടത്തേക്കുമെത്തിക്കാനുളള ഏറ്റവും എളുപ്പമാർഗമാണ് ഗ്ലോബല്‍ വില്ലേജ്. കിയോസ്കുകളുടേയും ട്രോളികളുടേയും രജിസ്ട്രേഷനുളള സൗകര്യം ആഗസ്റ്റ് രണ്ട് വരെയാണ്. അതിഥി സേവന വിഭാഗങ്ങൾക്കുമുള്ള നിർദ്ദേശങ്ങൾ സമർപ്പിക്കുന്നതിനുള്ള സമയപരിധി ജൂലൈ 25 ന് അവസാനിക്കും.

വിവിധ വ്യാപാര അവസരങ്ങള്‍ അറിയുന്നതിനായും അഭിപ്രായം രേഖപ്പെടുത്തുന്നതിനായും business.globalvillage.ae സന്ദർശിക്കാം.ഗ്ലോബല്‍ വില്ലേജിന്‍റെ കഴിഞ്ഞ സീസണ്‍ സന്ദർശക ബാഹുല്യം കൊണ്ട് ശ്രദ്ധനേടിയിരുന്നു. ഗ്ലോബല്‍ വില്ലേജ് സീസണ്‍ 29 ഒക്ടോബറിലാണ് ആരംഭിക്കുക. ഏപ്രില്‍ വരെ നീണ്ടുനില്‍ക്കുന്ന ഗ്ലോബല്‍ വില്ലേജില്‍ ഇത്തവണയും നിരവധി സന്ദർശകരെത്തുമെന്നാണ് പ്രതീക്ഷിക്കുന്നത്.